Mikiki商場位於新蒲崗太子道東638號，為新鴻基地產2011年重點商場項目。Mikiki
總面積21萬平方呎，樓高三層。商場以嶄新「購物＋體驗」消閑模式為營運概念，打破固有傳統，與近100家特色創意商戶及食肆，帶給你非一般的購物遊樂體
驗，讓你又玩又shop一整天。
以上係Mikiki商場於網站入面嘅簡介，睇下佢有冇咁勁之前，講下商場嘅位置先:
Mikiki，日語解作"見聞"，也就是Mikiki的主題：Shopperience --- Shop + Experience。
Mikiki商場地點唔算方便(特別對於筆者呢D冇車嘅港島居民)，不過對於有車一族就冇問題。商場外有大約30-40 個咪錶位，於商場入面消費重有免費泊車，未必消費嘅又可以泊車喺對面嘅越秀廣場(好似$11/hr)。
作為一個新商場，必須有亮點，比人一個藉口去拜訪一下。Mikik 就以Little Twin Stars 作主題，於商場入面嘅廣場及四周放置唔同嘅Little Twin Star 擺設比客人拍照欣賞。
呢個主題雖然冇講幾時完，但去到當日所有Little Twin Stars 都比野欄住，廣場中最大範圍嘅擺設就以 "維修進行中，暫停使用"作圍欄。其實該商場facebook於12月時，已經被其他網友留言發現同樣情況，所以如果大家全因為Little Twin Stars而嚟的話，可能要有一定心理準備。下面張相係借佢地facebook嘅，見到如果冇圍欄的話其實都幾靚。
就當日所見 - 星期五6pm 左右，商場人流唔算多，較多人嘅地方就係地庫嘅一田超市(可能商場上蓋係譽港灣，一聽就知貴野，富貴人超市)，其餘商店每間人客唔多會過2-3人。呢張大堂相應該都表達到有幾靜
走吓走，走吓走，嘗試搵下個商場有咩比較多人嘅地方可以比我介紹下，點知比我發現可以一張相KO:
唔係講笑，呢張相已經交代晒成個商場至吸人流嘅地點:
1) 維修中嘅Little Twin Stars
2) 一田超市
3) 播緊無記互動新聞台嘅大電視
講到呢度好似冇咩好野講過，但Mikiki又未差成咁，其實個商場入面餐廳都唔少，而且門面裝修都矛人乾淨嘅感覺。比較特別嘅我會覺得係一間叫Just Fun Club 嘅pet cafe，因為好少見pet cafe 唔係上樓鋪同位於商場入面，愛狗人士不妨拜訪一下。
總結:
Mikiki 商場地段唔算優良，比我嘅感覺係譽港灣嘅街坊商場多D，如果大家有車又想搵新野食，我先會建議大家去試行下，如果唔係的話，大家都係等下，睇下有冇新主題或者新商店進註先決定吧。
P.S. 比較Little Twin Stars，我個人喜歡商場入面呢隻鴨仔多D
最後，我終於開左個FACEBOOK PAGE，平時都會睇下我既朋友不妨LIKE 一下，
果邊既更新會快D 同密D KA，多多支持~
沒有留言:
張貼留言