其實澳門地標，好似大三巴，旅遊塔已經去過幾次，冇晒吸引力，
之前聽朋友講話澳門有個科學館好多野玩，想去玩好耐，
今次終於有機會玩喇~
澳門科學館
開放時間： 星期一至日早上十時至下午六時
逢星期四休館 公眾假期照常開館
地址： 澳門孫逸仙大馬路澳門科學館
交通： 公共汽車站 - 往觀音像方向的3A、8、10A及12號巴士可抵達澳門科學館，我果日係黑沙環坐22號係澳門藝術館落車行過去
逢星期六日及政府公眾假期，科學館會提供免費單程專車服務，接載參觀者由澳門科學館前往外港客運碼頭
持澳門科學館門票之訪客可享優先服務，免費專車開出時間：16:35 17:05 17:35 18:05
票價 ：
科學館有2個唔到既展覽館，係分開收費既
展覽中心 標準票 25元 小童學生長者15元
天文館(2D球幕/2D天象節目) 標準票 50元 小童學生長者20元
天文館(3D球幕/3D天象節目) 標準票 65元 小童學生長者30元
展覽中心 - 圓錐物體建築物
展覽中心14個展廳的總面積約5,800平方米，設置有超過450件互動展品。12個長期展廳的主題包括兒童、科技、環境科學及生活4大範疇，同時設有2個適時更換的專題展覽廳。展覽以知識性、科學性和趣味性並重的互動展品為重點，讓參觀者從親自動手的過程中享受探索科學的樂趣。
天文館- 半圓形體建築物
天文館中央為1個直徑約15米的傾斜半球形銀幕，裝置了1組高解像度的立體數碼放映機，及127個配備互動控制按鈕的座椅。當觀眾佩戴上特殊的眼鏡設備，更可看到投射於巨型圓頂屏幕上的立體影像。天文館的巨大數據庫及放映效果，可讓觀眾自由地穿梭於宇宙星辰之中。此套設備亦可放映數碼化的球幕影片，使天文館成為多功能的球幕影院。
由於時間關係，我地淨係買左展覽中心標準票，天文館就等下次啦，
展覽中心入面好多野玩，絕大部份都係互動展品，透過遊戲增加學習趣味，所以無論係大朋友定小朋友，都應該去玩下，
唔講咁多，去相~
大門位置，入面有間CAFE同MCDONLAD，玩之前可以先補足體力
$25 既成人標準票入手之後，就向頂層出發，GOGOGO
由最高既觀景塔望出去，可以見到漁人碼頭，澳門藝術中心同埋金沙酒店
經過左觀景塔，第一個遊戲就係模擬飛行，模擬揸飛機係澳門上空飛行
果日去雖然係星期六，但人流唔算多，可以玩得盡情，呢個展廳係關於食物營養及知識
見到有籃球框開心到癲左，香港日日落雨，成個月冇打過波，手痕程度同女士們想打牌一樣
所以即時衝左入去玩左陣
呢層主要係關於身體同埋運動既，玩到出晒汗
柔軟度低過零既都市人
跟住就去左環保館，一黎就係慳油司機，以打遊戲機方式，行車使用最少耗油量為目標，
雖然館內人唔多，但都有屎上最強強國人，打尖叫囂亂跑亂撞破壞展品咩都齊，
好一件需要RECYCLE既流動展品
都市人示範中
跟隨就去左個關於大自然氣候既展館，呢個應該係蘑菇雲
做埋天氣主播，大家好，我係黃魚鰻
呢個THEME 好似講捐血的
好似冒險樂園既遊戲，用波波射海盜船
之後就有個關於科技既展館，呢個模擬汽車生產既情況
呢度定時有專人表演，有幾個識跳舞既機械人，會跳GANGNAM STYLE
一個可以同電腦鬥快PUZZLE 既GAME
一個可以用聲控既機械人
有互動劇場既地方，不過太多小朋友，所以SKIP左
藍色為主調就緊係關於水KALA
好多機關可以玩既場景，我超喜歡的
玩到露底都唔知
一柱擎天
最後就係天文館，比較悶既一個館
個人黎講對天文冇咩興趣，所以快速睇完天文館之後，
就行5-10MINS 過去澳門藝術館睇展覽，因為藝術館收好早
澳門藝術館
開放時間： 上午十時至下午七時（下午六時三十分後停止入場），逢星期一休館
地 址： 澳門新口岸冼星海大馬路澳門文化中心
票 價： 成人：澳門幣五元
今次去主要睇一個關於拿破崙宮廷既藝術展，是次展出既展品係第一次於法國境外展出，好珍貴，由於館內嚴禁指照，而已保安嚴密，所以影唔到相比大家睇，想睇既朋友可以係14/7 之前去參觀金碧輝煌既裝飾擺設
華麗裝飾－－拿破崙宮廷藝術展
展出逾百件套拿破崙帝國時期皇家宮殿的家具與裝飾擺設，展品包括原藏於拿破崙十多座行宮內的桌椅、床櫃、座鐘、燭臺、吊飾、花瓶、油畫、毯織品，以及特別向法國參議院商借展出的拿破崙寶座，另外也有其出征時使用的摺疊式便攜家具；此批展品首次於法國境外展出，彌足珍貴。
由科學館去藝術館既天橋
門口
唔關事既燈
另一個主題既館，冇人既
行完之後就出返大馬路周圍行下
議事亨前地
係D橫街行到唔知邊度
教堂
民政總局
唔記得咩家大宅，免費入內KA
最後一日，行過氹仔海邊馬路，係十字公園時見到有大型木藝擺設
風車與花
原本澳門都有鴨睇，不過係木造既
木羊兵團
小學雞遇見小木雞
威尼斯係黃金周都搞左個叫澳門威尼斯人嘉年華，有好多表演同SHOW睇
成日失手既拋樽表演
基本上是次澳門之旅最期待既係澳門科學館，
果然冇令我地失望，入面真係好多野玩，又有野學，
真係要誠意推薦比有小朋友既家長，
包你地有個愉快既學習旅程
，以後去澳門，除左賭場之外，記住去行下澳門科學館喇
最後，我終於開左個FACEBOOK PAGE，平時都會睇下我既朋友不妨LIKE 一下，
果邊既更新會快D 同密D KA，多多支持~
沒有留言:
張貼留言