泰國曼谷- 華欣8日叉電之旅 - 曼谷下篇

上回講到我地係華欣既回程遇上大塞車，足足用多一倍時間先返到BANGKOK，
塞車既心情係點?!

係路上見到既塗鴉GRAFFITI好能夠表達到車上乘客既心情。

由於係粗口既關係，圖中有2個英文字係打左格仔，雖然呼之欲出，但都留返D空間大家估下係咩字


華欣返到曼谷之後，都係繼續我地HEA爆既旅程，日日都訓到自然醒，再行下街買下衫食下野咁樣過日晨，當中只係去左2個比較特別既地點同2間酒店大家分享下


1)  朱古力小鎮 Chocolate Ville

Chocolate Ville於2011年12月開幕，位於曼谷市區，可以說是目前泰國最紅最熱既戶外餐廳，但係點解呢度會叫朱古力/ 巧克力小鎮呢?? 唔通食朱古力好出名?! 非也非也，其實背後係有個故事的，原本老闆是製作巧克力盒的，因此取名為Chocolate Ville。DINING IN THE PARK 是 Chocolate Ville巧克力小鎮風情餐廳的口號，當然就是要營造坐在戶外用餐的浪漫感覺，加上周遭歐式建築的感染力，真係爽歪歪。大家除左可以選擇戶外位於河邊既靚位外，都可以選擇有瓦遮頭既餐枱用餐，如果你一行十幾廿人，還可以BOOK 一間小屋舉行派對，但收費不詳，有需要既朋友可能要自行與餐廳查詢。

Chocolate Ville是曼谷CDC裡面知名的餐廳Wine I Love You團隊經營的，這個朱古力小鎮風情餐廳是仿造典型歐洲的建築物，有花店、麵包店、紀念品店、蔬果店、碼頭等。園內搭配著令人舒服的背景音樂，感覺好像在遊樂園玩耍的歡樂氣氛。大家去之前可以BOOK定位先，因為聽講周未會好FULL，我地平日去的，最靚既河邊位都要等左一陣先可以安排入座。

呢度提供遊人影相拍照既景點都非常多，如很大的風車，消防局及小木屋等等等等。下面有D相片提供比大家參考下~

交通

Chocolate Ville巧克力小鎮風情餐廳位置雖然也是位於曼谷市，但是離市中心有頗遠的距離，暫時只知道只有的士OR BOOK 車可以直接到達，車程約30-45分鐘左右。

的士車費       去程BY METER HIGHWAY 大約THB400

                    回程 講價冇上HIGHWAY THB300

門票及收費

免費入場，用餐人均消費約HKD$150/人

開放及辦公時間

星期一至日 4PM - 12AM

地址又聯絡方法

地址我諗大家比下面個地圖比的士大哥睇就OK

如BOOK 位OR 打去餐廳問路，可以打

Contact : (083)077-3738 or (081)921-2016 or (081)921-0661

想E-mail 問多d資料，可以send去

info@chocolateville.net

一入餐廳就會見到大風車

去果期係聖誕節，餐廳停車場入口旁就有聖誕裝飾

聖誕節點能夠少左薑餅人

紅白鹿，更添聖誕氣氛

懷舊消防局

白色經典小屋



朱古力小鎮大門牌

河邊供休息既白木椅及宮廷式涼亭



宮廷式涼亭大特寫及遊人亞姐一名

宮廷式涼亭與小橋燈塔

植物與河，感覺就是休閒
植物與鹿，感覺就是舒服

河境及倒影

室外及室內用餐區

噴水池特寫再來一個

河邊及小屋旁既用餐區，食個環境都飽晒

如果坐河邊，會見到有堆鴨仔游黎游去搵野食，佢地有時甚至會跳上用餐區搵食，我地比個pizza 邊d 麵包碎比佢地，佢地會爭食添

裝飾特寫

鳥瞰餐廳圖，可見餐廳面積頗大的



2) 曼谷藝術及文化中心 Bangkok Art and Culture Centre

曼谷藝術及文化中心就唔多介紹了，因為聽個名大家都知入面有D咩可以參觀，總知你睇唔明既野就係藝術就是了
文化中心地點十分便利，就位於暹羅SIAM 商場林立既地段附近，BTS National Stadium Station 落車就有行人天橋相連接，
而且十分近我地住果2間酒店 Hotel Ibis Siam Bangkok 同埋 Holiday Inn Express Bangkok Siam，於酒店步行5-10 MINS 就可到達，
我地就係離開曼谷CHECK-OUT 之後，偷左幾個小時去參觀。

入面除左藝術品，還小商店及咖啡店供大家作交流，部份商店商品都頗有特色，值得於繁囂既暹羅避靜一下。門票

基本展覽免費參觀

開放時間

星期二至日 10am - 9pm

地址

939
Rama I Road | Wangmai, Bangkok 10330, Thailand



就在MBK CENTRE 對面

紅圈就係藝術中心
綠圈就係Hotel Ibis Siam Bangkok
藍圈就係Holiday Inn Express Bangkok Siam

藝術中心正門

一入門口就見到既大型藝術品

暴力與金錢??

藝術中心樓高11層

金光閃閃既掛飾

影子與圖案

佛門

Pattern

展品展品及展品，平日人流十分少，十分舒服

係藝術中心影相，點影都藝術

還有LIVE BAND 表現，不過佢地唱泰文

去介紹2間酒店之前，想介紹埋比大家知，曼谷藝術及文化中心對面，即係MBK Centre 出面既廣場，逄星期三既6pm - 8:30pm 有泰拳免費比遊人觀賞，拳賽當然唔會打到血肉橫飛，不過齋感受個氣氛是相當不俗的，觀戰既遊人十分眾多，好難先可以攝到個好位欣賞，有興趣既朋友早d霸位喇。

黎緊介紹既2間酒店都係位於BTS National Stadium Station附近，一出閘落橋行幾步就到果隻，十分方便。
我地有幾晚試過由Central World 行返酒店，大約20-30MINS，但沿路都有夜市，路邊檔等等，所以感覺似行街多D，唔覺遠，同埋12月曼谷天氣算清涼，沒有辛苦感覺。

3) Hotel Ibis Siam Bangkok我地12月13日入住IBIS，呢日正正係佢地第一日正式開幕，我地2個都係第一次做一間酒店既第一批住客，感覺好特別，好似咩都係你第一個用第一個試咁，哈哈。講返間酒店先，由於係第一日開幕既關係，大堂同房間都有種裝修味，大堂陣味都叫大，不過如果大家係睇完我個BLOG 先去的話，隻味應該散晒。 IBIS 出名價錢相宜，我地BOOK 果時連稅$400唔洗，十分合理既價格，當然啦，IBIS 另一樣出名既就係房間面積，放左2個大唿之後就得返一兩個位行既面積，不過我地又OK，因為唔洗行黎行去攞野真係好岩我地呢D懶人係床上面轉個身就到書枱，再反轉2個身就到洗身間
同埋酒店及房間用色十分簡潔，感覺十分乾淨
最值得嘉許既就係酒店職員，十分和藹友善，每分每秒都面掛笑容。一落大門就有職員主動查詢需唔需要的士，還會主動幫你同司機講目的地，唔怕你雞同鴨講，又會寫個酒店泰文地址比你，那怕你回程的士司機唔識同你溝通。

酒店外觀，由於太新，好多司機都唔識路

大堂，應該亦是Lounge，因為旁邊有水吧

電梯位

酒店房間，面積一般但尚算夠用

廁所，企2個人都開始有D逼


4) Holiday Inn Express Bangkok Siam由於房間爆滿既關係，我地住左2晚IBIS 之後就要搬去1街之隔既 Holiday Inn Express 喇。
Holiday Inn Express 屬4星酒店，大約$600一晚包埋早餐，由於價錢合理既關係，好多香港既朋友都鐘意入住呢間酒店。第一下入酒店既感覺係好靚，有張designer chair 係lobby，大堂電腦又用mac book，好正。不過check-in 果時就知世事冇完美，d 職員態度唔可以叫無禮貌，但個個目口目面無表情，係reception 搵佢地職員幫忙起碼要等10-15mins。唔係要你賣笑，不過連講完野基本一個笑容都冇，還需要多一點培訓吧。
你要求的話佢都會幫你搵的士既，你唔問就冇人理。可能大家會覺得我要求高，但我覺得係IBIS 做得太好，一晚之隔有咁大既落差唔排除影響左我既評論~

門口，旁邊有個LOUNGE

LOBBY KEEP 住咁多人，等等等

大堂電腦用MAC BOOK，幾型

房間空間十足，打關斗都重得，個落地玻璃我地用曬乾D毛巾，好有用...

望出去就係BTS，但唔覺有噪音成個泰國之旅既分享亦到此為止，希望可以方便到將會去泰國旅行既朋友啦，經過今次之後，我同女朋友都深深愛上左泰國，除左洗費低之外，基本上泰國人都係友善有禮的，令你洗錢洗得開心又甘心，應該會再次拜訪~~

期待黎緊既將來帶比大家更多更精彩既內容!! 密切留意

最後，我終於開左個FACEBOOK PAGE，平時都會睇下我既朋友不妨LIKE 一下，

果邊既更新會快D 同密D KA，多多支持~

捌拾後

Promote your Page too