擴散速度好比細菌般漫延，
上次試玩旺角新店只不過係6月既事，
想重溫既朋友可以按下面超連結HYPERLINK
二次體驗真人密室逃脫遊戲 - Mr Escape
宜家7月佢地又有新搞作，開辦左另一間新分支- MR ESCAPE 之偵探社
玩法就係運用本身MR ESCAPE既逃脫元素，再加上扮演神探角色，分析案件，
務求係逃脫既45分鐘入面，迫使大家用盡每一分每一秒，
因為除左要搵逃出既辦法外，搵出兇手先係至棘手既難題!
今之有幸再度獲得公關部既邀請試玩，
試玩之前信心十足，因為我都叫有2次經驗 (雖然係逃出失敗既經驗)，
加上我係一個電視精，TVB 果D 劇我日日都用黎送飯，
心諗法證先鋒，律政新人王同怒火街頭既案件應該為我邏輯思維打下左一定既基礎，
今次應該可以成功逃出喇掛~
先介紹下Mr Escape 之偵探社既4個主題遊戲先:
A) 音魂不散
(轉自官網)
今次的受害者乃是一名著名唱片監制，屍體被發現於其錄音室內。
這名DJ慣性於零晨錄音，早上的錄音室則裊無人煙。而進出這個錄音室大多數是女性，特別是一些著名的女明星。當唱片監制死後，現場被封鎖，但仍有很多女明星於晚上時份在錄音室附近徘徊。似想要拿回某些東西……
你為了掩人耳目故於零晨時份潛入案發現場，解開一切謎團，找出兇器，指證一直潛伏於我們身邊的變態殺人兇手……
難度:
(5最高)B) 反轉照相館
(轉自官網)
最近一宗兇殺案發生在一間名不經傳的影樓裡面，死者是一名職業的攝影師，是被槍殺的，並手執勞斯萊斯的資料。
各種證據令你相信兇手是一名連環殺手，並與多宗兇殺案有關連。
無獨有偶，你發現多宗兇案的死者都是藝術工作者，真相似乎耐人尋味，身為專業偵探的你有能力解開一切謎團嗎? 或是只能坐以待斃……
難度:
(5最高)B) 畫室殺人事件
(轉自官網)
今天早晨，一名畫家被晨運客發現伏屍河畔。從種種蛛絲馬跡看來，畫家的情婦最有嫌疑。奈何，警方手頭上未有充分的證據，而情婦亦拒
絕讓警方進入她的私人畫 室搜證。為求真相，身為專業偵探的你，決定在情婦外出跑步的45分鐘，潛入她的畫室，搜集證據。真相耐人尋味，到底，你能否找出關鍵的證據，指證這個冷血無情的女人呢？
身為專業偵探的你有能力解開一切謎團嗎? 或是只能坐以待斃, 看著無辜的受害者繼續被變態殺手殘殺……
難度:
(5最高)B) 奪命黑天鵝
(轉自官網)
城中首富的女兒酷愛跳舞，經常在私人的排舞室練舞至深夜。但，這位千金小姐已多天沒回家，更失去聯絡。
首富忍不住前往排舞室，竟發現女兒已死，牆上更留下「請你幫我報仇」的字句。首富怒不可遏，不欲報警生擒兇手，決定聘請新加入偵探社的你們，幫他找出兇手，替心愛的女兒報仇。
作為專業偵探的你，決要找出跳舞女主角的死因，並協助警方找到消失的兇器……
難度:
(5最高)咁究竟我之前2次既逃出經驗可唔可以幫到我成功逃出呢?!
就要由我入去既第一刻講起:
Mr Escape 之偵探社位置係荃灣南豐中心，我港島人唔熟荃灣，可能南豐中心高層數係商業大廈，
所以偵探社門面比起旺角果2間店光猛同光鮮
3/7日開幕，都叫搶先試玩喇
宜家新店優惠價只需$98 ，原價$128 KA
大堂接待處，神探咖俐略既黑版加埋福爾摩斯既背景，呢一刻，我有預感入面D難題應該唔係凡人可以解決
啤，開張左2個星期就有咁多人玩過，咩事AR
入去之前放低所以武器先 (不過我偷運左個手提電話入去
)
經過呢個黑幕就係3間密室喇
今次玩既係奪命黑天鵝，因為見係話有驚嚇成份，想睇下有幾驚嚇，
由於今次好多地方都係破案關鍵，所以職員安排唔到好似上次咁影下房間入面既裝置比大家參觀下，
淨係可以影下呢對染血既芭蕾舞鞋
入到去，嘩，又係成間房黑媽媽，點解次次玩親既都係冇光既，
今次都係得我同女朋友2個人入去挑戰 (間房最多可以安排6個人一齊合作解謎)，
有左上2次既經驗，今次既過程都叫好順利，謎題一個解完又一個，
門鎖解開又一個，以為可以順利逃出之際，
我地比一個難題阻住左，由於我係一個運動人，我女朋友係一個食神，
而我倆就偏偏唔係音樂人，對音樂係零知識既關係，
被一個難題完完全全影響左個進度，就係咁，我地又逃出失敗了，
我相信如果對音樂有D常識既話，今次應該會逃出成功
走果時，職員問我地冇電筒咩?! 我諗應該係佢地比漏左我地，
入面冇電筒係冇可能睇到D密碼鎖既數字KA，好在我偷運左部NOTE 2入去，
如果唔係都唔知點玩
2個逃出失敗既小學雞，雖然失敗，但今次得我地2個都好順利，冇上2次咁一頭霧水，
證明經驗真係累積出黎，今次只差好少就可以成功解謎，令我更更更更更更更更更更更加相信，
我下次玩的話，一一一一一一一一一一定可以逃出成功
想玩既朋友，記得先上佢地官網作網上預約，唔係好快爆KA
Mr Escape 之偵探社
地址: 荃灣南豐中心19樓1912室
時間: 星期一至星期五 - 中午十二時正至凌晨一時
星期六至星期日 - 早上十時正至凌晨一時
電話: 2324 -1628
Mr Escape 之偵探社官網
我終於開左個FACEBOOK PAGE，平時都會睇下我既朋友不妨LIKE 一下，
果邊既更新會快D 同密D KA，多多支持~
果邊既更新會快D 同密D KA，多多支持~
沒有留言:
張貼留言