墨西哥神秘之旅

墨西哥，第一個感覺係犯罪之都，報章新聞記載既都係毒梟爭奪地盤，刀光劍影之地。CES之後，公司有令要去墨西哥跟客人開會，兼且視察當地市場環境，打工既，硬住頭皮都要去。

今次目的地係墨西哥城Mexico City，據當地人資料，應該係墨西哥中部及墨西哥既中心地帶。基本上當地唔算得上富裕，車輛以舊車為主，一般民居亦頗殘舊，而非主幹既街道，甚至沒有街燈。

而大家最擔心既問題就係治安，一般旅遊區扒手小偷問題當然有，但就冇幻想中槍火亂嗚，原來電影中既槍戰場景主要集中係北部，美國邊界位置，由於黑幫會為美國毒品市場爭地盤，所以果邊會較亂。而今次開會既地方主要圍繞商業區，所以感覺還好吧。但在墨西哥，旅客不是隨處可見，盡管是旅遊景點，都是以當地人為主。語言方面，西班牙文就係當地語言，酒店及商業區都會有人識英文，但其他地方就要有指手畫腳既準備。

Museo Soumaya  索馬亞博物館

由於今次去既目的係同客人開會，所以去既都係商業區，建築物設計都好新穎

墨西哥平民住宅區有好貧窮既地方(當然唔敢去啦)，而市中心周邊既住宅都還可以，但入夜就唔係條條街都有街燈，冇咩必要都唔好外出

Plaza Garibaldi - 一個比較有傳統特色既地方，有好多當地人會表演傳統音樂及舞蹈 (當然要比小費啦)

Tenampa Salon- 裝潢傳統既餐廳，不斷有表演者入黎希望搵生意，當然最後大家都玩埋一份

Pyramids of the Sun and Moon at Teotihuacan - 墨西哥的金字塔，為當地古蹟，聽聞現時只係發掘左20%，睇黎成個面積非常龐大

古人既偉大建築，不外乎與皇朝及祭祀有關，而呢個Pyramids就同2樣都有關喇

古畫

呢度既設計有個非常特別既地方，就係當你向住塔既方向拍掌，回音會形成動物既叫聲，試左真係WORK，好神奇，而我身後既就係月塔

左邊果座就係日塔，月塔高度較為矮

長長既大道，由月塔出發到日塔

由於日塔較高，每到一段都有休息點比十家回一回氣再上

上到塔頂，可以360度環視四周境色

遊客地區，記念品就少不了

仙人掌呀，感覺去墨西哥一定要有仙人掌，見到即刻要求落車影相

見到呢D依山而建又密密麻麻既屋，令我諗起fast and furious 5 係巴西里約熱內盧貧民窟既追逐戰

當地傳統餐廳既水喉開關，好似氣水機咁推一推就有水出

第2個有去既旅遊點就係當地人稱小西班牙既地區，而Zocalo 憲法廣場就係地標，當中最注目就一定係國家主教堂(Catedral Metropolitana)

教堂內部

這一區擁有濃厚歐洲色彩，建築物自然帶有歐洲風

商場天花的玻璃窗，美感十足

連道路上的磚塊都跟好有歐洲感覺，好像當年西班牙把整個國家也搬了過來

呢區既保育工作非常好，所有品牌都唔要跟隨現有設計特色，連國際品牌MCDONALD'S 同7-ELEVEN都冇例外

到了晚上，廣場附近就會有地攤式的跳蚤市場出現，賣既都係有D手工藝，有印度民俗色彩的物品出售，記住講下價

其實墨西哥應該有更多震撼的歷史建築，陽光與海灘及新奇趣怪既事物，奈何今次係以工作為主，未能親身體驗，而把墨西哥作為自由行既一站，我依然會覺得有D 危險，除非有當地朋友照應。但今次既旅程，最令我回味既係當地美食，可惜我唔係走美食線，唔識用文字分享比大家，唯有將味道放係心中~

方便既話，可以去埋我個Facebook Page 參觀下

可以既話，可以順手比個Like 我個Page支持下，感謝

捌拾後

Promote your Page too