WhatsApp Android版開始收費 ?!

呢幾日最令人關注既新聞，一定係關於Android版既WhatsApp開始收費喇!!


近日應該有好多Android手機用戶陸續收到WhatsApp既官方通知，指免費使用期將於下月中陸續屆滿，如要續用須即時繳款0.99美元(約7.8港幣)。雖然有朋友話用了好多年都未試過繳費，但其實官方網頁係列明左除iPhone用戶購買後不需再付款外，Android、Blackberry等手機用戶第二年起均要收費。WhatsApp現時全球用戶逾四億，單是本港也超過300萬，數量驚人，負荷亦不斷增加。


Android 用戶同iPhone用戶既分別係，iPhone用戶只要經蘋果App Store以0.99美元(約7.8港幣)購買WhatsApp後，終身毋須再付款。但Android Play Store 的WhatsApp正式上架時，列明用戶只可免費使用一年，之後要每年繳費0.99美元，但不少Android用戶稱，每年仍然獲自動免費續期，故大部份Android用戶認定WhatsApp是終身免費的，甚至有人指收費的消息是訛傳。


聽落係咪好唔公平呢?!點解iPhone用戶戶口可以終生有效，而Android用戶則需要每年繳費。雖然只是區區$8 一年，但其實都係可以有辨法避開既:
因為在 iOS 平台上 Whatsapp 一直是 Paid Apps/ 限時免費 ，購買價錢大約是 $8 港幣左右，一旦購買了後就是終身使用了，而Android 和 Windows Phone 用家的條款就是首年免費，然後每收費年$8。秘技就係咁樣，因為 Whatsapp 帳號只要曾經在任何 iOS 裝置上面開通，就會立刻變為終身服務，大家可以靠身邊的iPhone朋友幫忙開通個帳號，咁就可以終生有效了，免去每年不停續期之苦。

網上已經有朋友試驗成功，大家有興趣既都可以試下。筆者由於係用iPhone4 時代已經付了費，故此現在使用Samsung Galaxy Note 2 不受影響，終身免費


當然，如果大家覺得麻煩既話，訪間都有好多免費(起碼宜家係，遲D唔敢包)既通訊軟件供大家選擇，如Line，WeChat，Skype 等。

真人密室逃脫遊戲 - Freeing HK

上星期六同朋左去左玩全港第一個真人密室逃脫遊戲 - Freeing HK ，急不及待要同大家分享下~

首先簡單介紹下咩係Freeing HK先： Freeing HK 係一個考驗智慧同膽量既遊戲，當中包括精心設計的劇情，挑戰你既智慧。起初，大家會被安排反鎖於密室入斫，之後大家就要運用智慧和觀察力，找尋綫索，係有限既時間入面(45 mins) 找出關鍵物品，發揮創意和邏輯，善加利用，逃出密室！！



目前Freeing HK分3個劇情供大家選擇:

1) 逃出香港　-　謎失凶間在一個風和日麗的下午，你在尖沙咀前往文化中心看舞台劇，忽然眼前一黑，身後有人蒙著你。你聞著濃烈的異味，漸漸失去意識……醒來的時候，你發現自己處在一片漆黑之中，雙手還被扣上手扣！發生了甚麼事？你在小小的房間中環顧四周，找不出思緒，感覺很可怕，但你已經不能顧那麼多，只知道要盡快找出方法逃出密室！
人數上限: 3 人
遊戲時間: 45分鐘


2) 逃出香港　-　監獄風雲

逃？Prison Break？

這就是傳說中Dr Alpha的地下黑獄，他在這裏囚禁了很多科研專家，要進行他的瘋狂計劃，所以這裏將會陷阱處處，危機四伏……而你竟然被指派在這鬼地方救人！你還沒有機會去拒絕，因為只有你一個人能勝任此角色。但如果你被發現越獄，卻要無辜遭受牢獄之災

怎麼辦？你只有一條路──趁守護輪班的途中，限時之內，完成任務，把目標救走逃出密室！
人數上限: 5 人
遊戲時間: 45分鐘


3) 逃出香港　-　Dr Alpha 實驗室
已經通過 "謎失凶間", "監獄風雲" 考驗的你, 將是我們最後的希望.
你可能從此飛黃騰達，也可能就此一去不返。
這是Dr Alpha的實驗室，也是他的秘密基地。正常人根本來不到這裏，這裡佈滿機關，但你竟然要來作出挑戰！你來到這裏，就是想破壞他的可怕陰謀，並把他搶走的秘箱奪回。
不能害怕！因為你沒有選擇，你只能帶領其他可靠的戰友，在限時之內，破解謎團，奪回秘箱，逃出密室！
人數上限: 5 人
遊戲時間: 45分鐘


以上資料都係他們官網的，方便大家參考。  筆者當日玩既係"Dr Alpha 實驗室"，難度頗高，應該唔太適合新手試玩(聽說目前為止好像還未有人成功逃脫)，因此筆者既為首次參加者，又玩最難既level劇情，逃出失敗可以話係理所當然，哈哈  。而筆者既朋友亦同時參與左監獄風雲，雖然大家都逃出失敗，但佢地話差唔多解謎成功，故此可以推論監獄風雲係比較容易上手(加上印象中，創辨人係某雜誌講過，"Dr Alpha 實驗室"為目前為止最難既關卡)。

無聊之霸系列 - 死光槍

相信大家都有睇過《志明與春嬌》

入面嘅內容都幾寫實，不過今次唔係寫影評，只係想引用入面余文樂嘅一句對白: 朋友話我係中學之後就冇長大過!!

我諗大家一定好認同，特別係女士們!!  無錯，唔知點解，男士們對玩具係情有獨鐘，個道理就如我地唔明解女士做咩需要咁多個包包一樣，其實根本唔洗明，只要唔係太沉迷的話，就let go 啦，咁樣有寄託嘅生活先有意思。

筆者既係男士，又有無聊之霸之稱，最無聊搞野既新潮玩物我都好留意，雖然未必樣樣野都會買，但係唔買都會介紹比身邊朋友，務求sell到佢地買完再逆權侵佔，樂趣更甚。

今次介紹嘅係太空死光槍一支，喺琴日路過銅鑼灣 times square log-on見到，佢唔只係一個槍型嘅鎖匙扣，而且重可以發出"蕉蕉蕉"嘅激光聲，講到咁吸引，緊係二話不說就購為己有啦，哈哈哈。

Mikiki 商場初體驗

Mikiki商場位於新蒲崗太子道東638號，為新鴻基地產2011年重點商場項目。Mikiki
總面積21萬平方呎，樓高三層。商場以嶄新「購物＋體驗」消閑模式為營運概念，打破固有傳統，與近100家特色創意商戶及食肆，帶給你非一般的購物遊樂體
驗，讓你又玩又shop一整天。

以上係Mikiki商場於網站入面嘅簡介，睇下佢有冇咁勁之前，講下商場嘅位置先:

假日好去處 -香港電影資料館

圖轉自人民網

香港電影資料館鄰近西灣河地鐵站，旨搜集和保存香港的電影文化瑰寶，促進電影研究，使香港電影資料館成為享譽國際的電影資料館。

電影資料館樓高五層，樓面總面積約七千五百平方米。為了便於控制儲藏庫的恆溫系統，整幢大樓一分為二，即每層均劃出半邊為藏品室，內置獨立的製冷系統和氣體式乾燥及除酸器。大樓的另一邊，則為經常性地舉辦公開活動的展覽廳和電影院，以及供參考用的資源中心，可惜今次淨係參觀左第一層，下次去再睇埋其他層數~