<好APP推介> Printic 手機晒相APP試用報告

好耐都冇介紹app喇， 原因係呢排冇咩app好介紹，

早前收到Printic公關邀請試用佢地個app，試用後感覺良好，所以都想介紹下 

其實個app原理好簡單， 但概念唔錯，

因為呢個世代既人都用智能電話影相，好多時都影完就算，

影影埋埋都唔記得自己影左D咩，同邊個影左又唔知，

聚會時影左既相，話遲D send返比大家，但其實返到屋企已經冇左件事，

Printic原理就係幫你晒相，送埋去你屋企或者指定地點，

即係寄埋比朋友都得，好方便，咁以後大家影左既相就人人有份，人人有底啦

啟德郵輪碼頭公園初體驗

做完手術後身體處於養尊處優既狀態，

雖然體力依然未100%回復，

但身上面既傷口都叫做埋左口，可以出街行下，

之前見到有BLOGGER 去左啟德郵輪碼頭公園，見到個可以席地而坐既草地，

加埋個無敵日落海景，就去HEA下啦!!

不過啟德碼頭10月尾先對外開放，交通配套極唔完善，

除非有郵輪泊岸會有商場接駁巴士，

如果唔係星期一至六只有係九龍灣德福廣場搭86號小巴(車資$5)，

星期日及公眾假期會有特別巴士由牛頭角/ 觀塘開出，

魅族Meizu MX3 新機試玩報告評測

之前試玩左SONY 既最新手機XPERIA Z1，

感覺唔錯，而且擁有防水功能，十分方便，

不過近$6000既定價未必人人接受到。

今次介紹既手機品牌就慣以性價比取勝，

魅族Meizu - 手機係內地係其中一間主流生產商，

同小米XIAOMI，中與ZTE同華為HUAWAI齊名，

之前每逄有新機推出全國分店都會引起排隊熱，

雖然近1年比小米極力追趕，

但MEIZU手機既品質令FANS 們堅持他們對品牌的信念。

內地手機品牌如繁星，質素參差，

個人而言，會選購的只有2個牌子 = MEIZU/ 小米 ，

因為只有呢2 個品牌比到信心我，同埋都係用心做手機既一員，

雖然好多人會驚大陸牌子爆炸，但事實係，

三星蘋果爆左魅族小米都未爆，

可惜魅族係香港既宣傳同銷售點都唔夠落力，

所以香港人對佢既認識唔算深，

今次佢地出左最新既手機MX3，等我同大家睇清楚D

Sony Xperia Z1新機試玩報告評測

9月份真係智能手機界百花齊放既日子，

有好多手機相繼推出同公佈，

包括魅族MX3, 小米3，iPhone 5s 5c, Samsung Galaxy Note 3, Sony Xperia Z1, LG G2 等等

魅族MX3 同小米就以高性價比取勝，

Samsung Galaxy Note 3 就無咩驚喜，個人認為只係Note 2 既小改版，

Sony Xperia Z1就加強左相機，舊電勁左同加返個拍照實鍵，

LG G2就真係最正，超窄邊框，更人性既設計，

不過以LG個品牌索價過5千就真係令唔少人卻步。

今次借左Sony Xperia Z1 同大家分享下，

首先外觀部部Sony手機個樣都差唔多，好難分得出，

個mon維持FHD 5吋mon，

而對比最新既手機，Z1既屏幕邊框明顯較粗，

上下空洞位也較多，係縮細size上面有進步空間

<好APP 推介>FIFA14登陸智能手機

呢排各位男仕係唔係好忙呢，

最近出左WINNING 2014 同FIFA14，PS3又出左GTA IV,

真係忙死人，但都係家用機，出街返工都悶?!

唔想浪費埋坐車等車果D 時間既話，

等我介紹隻好野比大家，

就係FIFA14，冇錯，又係足球，

但男人就係鍾意睇波打波，無辦法，

體諒下我地吧!

今次介紹既FIFA14真係等死人，

因為2013年 EA SPORTS 冇將呢隻至暢銷既足球遊戲移至手機版，

而手機版又冇其他開發商質量可以同佢比較，

畫面質素同真實感始終都係EA SPORTS 既有保證。

FIFA 14 已經同時登陸 android Google Play 及 iOS applestore 平台，而且是免費下載，

不過當然有部分遊戲內容需要另外購買。

新版本加入全新的控制方法，方便平板電腦的玩家。

遊戲包含全球 33 個聯賽，超過 600 隊授權球隊及多達 16,000 名球員，

而 Match Day 及 Ultimate Team 系統同樣可以在 FIFA 14 上找到。

2日1夜快閃遊北京

之前都有提及過我轉左份新工，

轉工既其中一個原因係新工作可以四周圍睇下，

改變一下日日舊工作坐OFFICE 既ROUTINE 生活，

估唔到做左1個月都唔夠，就有機會上北京工作，

工作雖然比想像中辛苦，2日1夜既工作只係有1個鐘頭睡眠時間，

同埋1個半鐘頭既自由時間，

由於自由時間得咁少，所以出唔到去故宮長城等名勝，

只能夠參觀下酒店旁邊既奧林匹克公園，都好過冇啦~

 

搬新屋，一齊黎HOUSE WARMING~

呼~~

終於都有個新開始，

開始係BLOGSPOT寫第一篇BLOG，

遲D先再研究點樣將YAHOO D BLOG搬晒過黎，

雖然我係YAHOO BLOG 年資唔算深，只有短短8個月，

但喜出望外既瀏覽量推動我不斷努力，

所以當我知道YAHOO BLOG 要摺埋既時侯，

真係冇晒心機，果邊既COMMENT 都唔想覆，

直至見到各位BLOGGER 都繼續努力搬家，

先醒覺自己區區的42篇BLOG，8個月12萬的瀏覽量不算什麼，

從今以後，捌拾後- DY 會係BLOGSPOT 同FACEBOOK 不斷為大家提供資訊，

大家一定要繼續支持我 !!

為左鼓勵自己，買左部AUSU 新NOTEBOOK，

咁就可以隨時隨地寫BLOG 喇~~

各位YAHOO BLOG 既朋友，可能對BLOGSPOT 追蹤方面唔太熟悉，

所以我會預留呢篇BLOG 比YAHOO BLOG 友留CONTACT，

大家只要係COMMENT 度留COMMENT，

話比我知你YAHOO BLOG 既名同新BLOG 地址，

我就會係下面UPDATE 個LIST，

咁大家就唔怕走散喇，

已追蹤我既朋友就唔洗留了

各位BLOGGER 繼續給力!!!

BLOG 友(排名不分先後)

1.  島耕作 - http://bresson-hk.blogspot.hk/

2.  失魂貓 - http://supwanmao.blogspot.hk/

3.  大男孩 - http://hkbigboy.blogspot.hk/

4.  CircleG - http://circlecleg.blogspot.hk/
5.  KenjiB - http://kenjiworld.wordpress.com/
6.  吳獅皇 - http://memory-of-child-year.blogspot.hk/
7.  水太太 - http://mrswater.blogspot.hk/
8.  挖老爺 - http://wetloyeah.blogspot.hk/
9.  ADL - http://allaynalee307.blogspot.hk
10. Panda Joice - http://pandajoice.blogspot.hk/
11.  Sammi ララ サミ -  http://lalapoon.blogspot.hk/
12. 博師奶 - http://parentblog2013.blogspot.hk/
13. BC - http://bc-station.blogspot.hk/
14. kenjiworld - http://kenjiworld.wordpress.com/

高達大軍進駐時代廣場

上回講到，行完灣仔《動漫基地》之後，

就去左金雀餐廳食晚飯，果間2046都去取境既懷舊扒房，

食親呢D老式扒房，都係對個餐包回味無窮

之後就去左銅鑼灣時代廣場影高達，老實說，我同高達唔係好熟，

大家冇咩交情，純粹因為八卦去睇下，

上次黎淨係得高達，宜家所有部隊都黎齊，

我識既高達，渣古同木馬號都已經出動，

既然我都唔太熟GUNDUM，

廢話少講，去相:

灣仔《動漫基地》大發現

返左新工作一個星期，宜家重適應緊新環境，

由於轉左FIELD 既關係，咩都要重新學過，

之前累積既經驗用唔上場，要過返FRESH GRAD 時候既白紙生活，

心情唔太好受，試問有誰喜歡無知既感覺，至少男生唔會，

以前寫REPORT熟練既讚賞，變成現在處處碰壁，

希望黑暗時間快D過去，等我可以過返D正常生活~


由於現時處於學習階段，晚晚OT冇得走，

所以UPDATE BLOG 會慢少少，但我會繼續努力既，

上星期話說我去左睇本地原創的無對白動作喜劇《打轉教室》，

(有LIKE我FACEBOOK既朋友應該都知，未LIKE 既就LIKE 一下支持我啦)

睇完之後諗住去睇時代廣場既高達展，

不過時間尚早，所以去左灣仔睇NOTEBOOK，(方便我可以隨時寫BLOG MA)

點知經過見到有座舊樓保育翻新了，就去左八卦下有咩睇，

原來係本地漫畫既展覽場地 《動漫基地》，等我帶大家睇下入面有咩~

門口係永昌隆五金，感覺同和昌押一樣經典

泰國曼谷- 華欣8日叉電之旅 - 曼谷下篇

上回講到我地係華欣既回程遇上大塞車，足足用多一倍時間先返到BANGKOK，
塞車既心情係點?!

係路上見到既塗鴉GRAFFITI好能夠表達到車上乘客既心情。

由於係粗口既關係，圖中有2個英文字係打左格仔，雖然呼之欲出，但都留返D空間大家估下係咩字


華欣返到曼谷之後，都係繼續我地HEA爆既旅程，日日都訓到自然醒，再行下街買下衫食下野咁樣過日晨，當中只係去左2個比較特別既地點同2間酒店大家分享下


1)  朱古力小鎮 Chocolate Ville

泰國曼谷- 華欣8日叉電之旅 - 華欣中篇

喺曼谷hea 完2日之後，就準備向華欣出發~

係曼谷去華欣有好幾種方法:

1)    包車 -    包一架房車大約THB2000 - 3000一程，最岩4個人Share

2)    火車 -     曼谷到七岩 &amp; 華欣的火車，收費約 40~50 銖。另外每逢週末、週日，提供來回華欣的套票，收費約 75 銖。可於曼谷火車站訂票

3)    飛機 -     最快但最貴，香港沒有直接航機往返華欣，旅客需要在曼谷轉乖其他交通工具前往，航程約需40分鐘，大約THB3000位包稅

4)    巴士 -     往華欣巴士由曼谷南部巴士站(Southern Bus Terminal)開出，前往華欣市中心只需約3小時，大約每半小時左右1班，車費THB150左右

5)    的士 -      一般車費THB2000左右，比包車平少少

6)    VAN -        最合乎經濟效益嘅一種方式，車票THB180位，需時2.5小時左右


我哋最後選擇左搭VAN 去華欣，方法好簡單，只要坐BTS到 Victory Monument站到2號出口，附近有間 Century The Movie Plaza，搵到 就應該見到好多VAN 仔，VAN 仔嘅目的地有好多，記得講清楚你想去邊!! 重有，去華欣嘅車程係會經過七岩的，如果目的地係七岩的話記住開車前同司機講聲，以免佢飛站。

小TIPS: 如果大家會帶備大型行李上VAN的話，有機會收多一位錢，因為佢會摺埋一個位放行李。宜家曼谷大部分酒店都提供行李寄存服務，如果唔想拖住個行李周圍走，可以將行李暫存酒店。

泰國曼谷- 華欣8日叉電之旅 - 曼谷上篇

準備篇之後，係時候入正題喇~~

整個旅程由我地乘搭香港時間星期五晚上11時起飛嘅零晨機開始，結束於泰國時間星期六中午3時起飛嘅香港航空當中，未能做到早機去，晚機返……可惜可惜，只怪我地太遲先決定晒D野。同埋去果時未有諗過寫blog，所以未必所有野都有圖解，唯有盡力用我有限嘅文筆為大家導航啦。

『曼谷- 華欣叉電之旅』8日行程入面，頭1-2日會留係曼谷，第3-5日就去華欣嘆下，最後第6-8日會再戰曼谷，呢個安排其實係有莫大嘅玄機:

1) 我地留係曼谷嘅周末只有頭1-2日，緊係要把握機會去翟道翟(Chatuchak Weekend Market/ JJ Market)掃貨啦，拼死都要拖個加左磅嘅行李去華欣，鬼叫JJMarket係周末先開咩

2)聽聞華欣係度假勝地，唔單只外國人，當地人都好鍾意去，閒日去相信可以避開唔少人

引言都咁長，真係唔好怪我口水多過浪花
 
我地就由落機開始講起啦。一落機，例牌比堆強國人衝衝衝衝衝衝衝衝，撞撞撞撞撞撞撞撞同推推推推推推推到去入境櫃檯，當日人就唔算多，不過都排左差唔多成個鐘先入到境(已經2:30am)。一入境緊係首先買左張電話咭先啦(唔知咩電話咭就唔該睇返『準備篇』)  ，買完之後就落一層掂的士。呢層要先攞張飛仔先可以上車，職員會登記埋的士資料，感覺上安全好多，而且代價只係比多THB50機場服務費。

酒店我地住Bangkok City Hotel，最近BTS站係 Ratchathewi Station，地圖上係Siam 隔離，由機場到埗收費大約THB350-400左右(包晒路費同機場服務費)。揀呢間酒店嘅原因係 -- 平，大約HKD$280一晚包早餐，而且整潔程度屬於滿意水平。不足嘅地方係廁所浴缸冇浴簾，沖完地下會濕晒，同埋早餐食物質素十分一般。

泰國曼谷- 華欣8日叉電之旅 - 準備篇

為左平衝工作同生活之間既壓力，每年都會同女朋友出外走一走，叉叉電。
今年我地選擇左12月去泰國，主要原因有2個: 原因1 - 未去過, 原因2 - 聽聞D野好平，可以瘋狂購物同瘋狂吃喝!!

每次出發前都會做D資料搜集，大概有下面幾樣啦，希望幫到D有同樣問題既朋友:

1. 季節

12月至2月係一般泰常客認為去泰國最好既季節，一來天氣冇咁熱(日間一般都係26-28C 左右)，二來雨水都較少，好似我地8日既行程入面，只係係第一日落左個幾鐘頭大雨，其餘時間放晴，心情因此都會好D，我地為左同時避開旅遊旺季，所以選擇左12月頭出發。
以下係香港天文台關於曼谷氣候既資料:

瀏覽人次衝破十萬

Woooo.....重記得我2013年1月1 日第一次POST 生平第一篇BLOG...

寫既係關於泰國旅遊有用資料，

因為見為左個TRIP 做左咁多資料搜集，

不如都方便下大家，等大家搵資料既時候多一個REFERENCE，唔洗左搵加找咁麻煩，

咁就開始左我BLOGGER 既生涯了~



之後，我就拍下記下平時見到有趣既玩意兒同地方，分享見聞，

老實說，宜家都唔係好慣咩都影低係呢度分享，不過我都開左個FACEBOOK PAGE，

係果邊密密SHARE，大家都可以LIKE 我個PAGE 支持下KA，連結係最後



雖然宜家出BLOG 既速度都係以龜速進行中，但目標係每星期都可以同大家分享最少一件事，

捌拾後人氣雖然唔強勁，但寫左8個月就達到100,000 瀏覽人次，我都估唔到有咁多朋友會留意我個BLOG，

都叫有D鼓勵，我會繼續努力，寫多D野同大家分享，

大家記得要多多支持下~~~

太古城中心LEGO帶你環遊世界

7月份真係好忙，咩都堆埋晒一齊發生，

首先係考學車筆試，再上左個游泳班學游水，

跟手重轉埋工添，而且今次唔只轉公司，重轉埋FIELD 添，由大公司轉去細公司做，

頭幾日返工好失落，完全唔知點起頭，毫無方向，日日獨自係公司戰鬥至最後，

返到屋企已經冇晒力做其他野，新聞冇留意，FB 都冇咩CHECK，

希望新野快D上手，可以過返D 正常生活～

就係因為冇時間，宜家先有時間UPLOAD 返2星期前去既LEGO PIECE OF PEACE WORLD TOUR展覽，

果日影左好多相，差唔多每個SPOT都影左，而且去果時係9PM 左右，

人流唔算大多，加上宜家TIMES SQUARE 時代廣場有高達展，應該分流左好多人，

同埋APITA 同TOYSRUS 食住LEGO展條水，入左好多平時好難搵既LEGO 精品，

而且價錢唔算貴，好似我之前係旺角現時點買左個SUPERMAN KEY CHAIN 超人鎖匙扣＄55，

太古城APITA 都係＄60 ONLY，好合理，所以大家睇完LEGO，可以順手睇下有冇野岩～～


LEGO PIECE OF PEACE WORLD TOUR世界遺產展

地點： 香港太古城中心
展覽日期： 7月5 至31日
時間： 上午10時至下午10時

真人密室逃脫加偵探遊戲 - Mr Escape 之偵探社

MR ESCAPE 真係好強勁，

擴散速度好比細菌般漫延，

上次試玩旺角新店只不過係6月既事，

想重溫既朋友可以按下面超連結HYPERLINK

二次體驗真人密室逃脫遊戲 - Mr Escape

宜家7月佢地又有新搞作，開辦左另一間新分支- MR ESCAPE 之偵探社

玩法就係運用本身MR ESCAPE既逃脫元素，再加上扮演神探角色，分析案件，

務求係逃脫既45分鐘入面，迫使大家用盡每一分每一秒，

因為除左要搵逃出既辦法外，搵出兇手先係至棘手既難題!

今之有幸再度獲得公關部既邀請試玩，

試玩之前信心十足，因為我都叫有2次經驗 (雖然係逃出失敗既經驗)，

加上我係一個電視精，TVB 果D 劇我日日都用黎送飯，

心諗法證先鋒，律政新人王同怒火街頭既案件應該為我邏輯思維打下左一定既基礎，

今次應該可以成功逃出喇掛~

先介紹下Mr Escape 之偵探社既4個主題遊戲先:


A) 音魂不散

CITIZEN 星晨錶 PROMASTER系列全港首露面

＜BLOGGER EVENT＞


還記得第一次接受公關邀請出席活動係MR.ESCAPE既試玩體驗，感覺良好，

心諗唔知幾時先再有機會獲邀既時候，已經收到另一間PR 公司既邀請，

出席CITIZEN 星晨手錶既新錶體驗大會，

而今次係第一次出席BLOGGER EVENT活動既邀請，性質同上次有丁點兒分別，

因為上次得我一個BLOGGER 出席，而今次就有機會認識唔到既BLOGGER朋友，

老實講，收到邀請果一刻心裡確實爽了一爽，爽在有種認到感同存在感，

確認左自己個BLOG 原來真係有人留意KA，好開心~

但之後就開始有點兒緊張，因為捌拾後始終都係新手一名，唔知到時會做D咩，更加唔個到時我應該做D咩，

而且唔知有咩BLOGGER 出席，到底當日發生咩事呢?!

好APPS推介 - 鄉土劇相機

冇介紹APPS 比大家一段時間，

唔知大家呢排玩緊咩APPS 呢?! 重係CANDY CRUSH?!

咁最近大家又會用咩APPS 去為自己心愛既相片加工EFFECT呢? 重用緊LINE CAMERA?!

嫌冇新意就岩喇，今次介紹大家一個相片後製/ EFFECT 既APPS，叫"鄉土劇相機"，

將大家既相整到好似台灣綜藝節目，台劇咁款，

只要大家好好發揮創意，就可以設計一張獨一無二，惡搞又爆笑既PHOTO~

鄉土劇相機PLAY STORE 的說明:

鄉土劇相機是一款可自由選擇"戲碼"的APP。

無論 "夜市人森" 或是 "烏與子" 都可以，加上濾鏡可以讓畫面更有味道，接著再加上經典的台詞，創造出獨一無二，屬於自己主演的鄉土劇!!!


一齊睇下個APPS 點玩先:

假日好去處 - 太古坊6月大搞街頭藝術STREET ART

其實我幾鍾意太古坊，

唔好以為呢個地方只係商業中心既基地咁簡單，

而係集文化同商業為一體既國度，因為佢地成日都會有D同 文化同埋藝術有關既展覽，

難得一個商業中心都咁支持文化同埋藝術活動，

作為港島人既我，經常都會去吸下文化既空氣，

今個星期去到，又有新展覽喇，

等我同大家分享下~

麥當勞敢死隊 - MCDONALD X WECHAT 有著數

麥當勞又有新搞作，我又出動喇!!!!! 

麥當勞再次聯同可口可樂推出玻璃杯既PROMOTION，

雖然前幾年既奧運同世界杯已經出過無數次，

而且玻璃杯既外型冇咩變化，

但只要有新GIMMICK 的話，舊酒新瓶又何嘗不可呢~

再戰澳門體驗最新酒店 BANYAN TREE HOTEL &amp; GALAXY HOTEL

上次篇BLOG 先講過好少去澳門，諗住上次去完之後會隔一排先再去，

點知親戚們前排話BOOK 左間新酒店，

叫我一齊去試下，咁我當然捨命陪君子啦 

今次都係坐金光飛航COTAI WATER JET過大海，不過坐豪華位，

其實豪華位除左係上層，有杯麵，有野飲之外，同下層都冇咩分別，

不過普通艙假日船飛就$172，頭等船票就要$226，比多$50買個麵同飲品，

值唔值就見仁見至，唯獨頭等既座位數量比較少，相對會比較靜，訓覺一流

由於去既時候天氣超級酷熱，完全唔願出去行，全程係酒店休息RELAX 下算，

所以今次集中介紹呢個最新渡假城比大家


澳門銀河 GALAXY MACAU

二次體驗真人密室逃脫遊戲 - Mr Escape

還記得今年一月份，

我去左體驗一個全新既真人密室逃脫遊戲 FREEING HK，

並且跟大家分享過，反應都十分熱烈，

想重溫內容既朋友，可以按下面超連結HYPERLINK


真人密室逃脫遊戲 - Freeing HK


呢個逃脫遊戲近排真係HIT爆，概念全新而且獨一無二，從佢地成日爆BOOKING 既網上預約已略知一二，

不過又係既，香港娛樂唔算多，唔係唱KARAOKE 就行街睇戲，開創另類遊戲真係有機會殺出條血路來!!

講開又講，其實我同FREEING HK佢地都有D 緣份，我除左係第一批去玩既白老鼠之外，

我寫FREEING HK玩後感果篇BLOG 重成為我第一篇上YAHOO人氣既文章添

相隔幾個月重聚，發現FREEING HK既成長速度十分驚人，

本身旺角本部由3間主題房間擴張到7間不特止，

宜家逃出香港重逃出埋旺角，於尖沙咀及銅鑼灣開左分店，2間分店暫時各有5個唔同主題可供選擇，真係可喜可賀，

其實唔只開新分店，FREEING HK 最近重開多左一條新支線，叫MR. ESCAPE，

今之有幸得到公關部既邀請，親身試玩下呢條新支線~

大家可能會好奇，逃脫就逃脫啦，邊有咩支唔支線KA，打機咩~

其實支線係代表FREEING HK 同MR. ESCAPE既主題係會有分別既，

FREEING HK 既主題較幻想性，FANCY 少少，而MR. ESCAPE 就剛剛相反，主題較貼近現實生活，令參加者更加有代入感，

其實只要介紹下MR. ESCAPE現有既4個主題遊戲，大家就知道有幾寫實KALA

大開眼界之 好店檔微縮景展

上次見BLOGGER 係青衣POST左青衣城搞既微型藝術展既相，見到D模型手工極其精細，已經好想去，
可惜見到既時候，個展覽已經完結左，心都碎埋，但近排放工途經德福廣場，見到宜家有個類似既景展，以懷舊為主題場景，
先知原來個天都幾鍾意我，比多個機會我睇一次展覽  
但有鑑於YAHOO BLOG 個新規矩: 字元不能超過16000 既關係，呢篇BLOG我都要盡量少打字，就住就住，
今次主要POST 相分享下，希望YAHOO方便順應民意，取消有關規限!!


好店檔微縮景展地點: 九龍灣德福廣場Telford Plaza1期中央展場
日期: 2013年5月17日至6月16日
時間:10AM - 10PM

遊走香港 - 日夜追訪RUBBER DUCK + 西九「M +進行: 充氣!」

早排聽聞，因為酷熱天氣加上維港浪大既關係，

RUBBER DUCK浮屍維港，睇見D 相真係好傷心失落，

話晒講緊係呢期香港至正面既正能量沉沒WO !!

好在我早一兩個星期前已經去左探呢隻人見人愛既膠鴨仔，

其實當我知道呢隻巨鴨會係2/5 - 9/6 黎到香港海港城展出時，

麥當勞敢死隊 - 黑白漢堡大挑戰

麥當勞近期D MARKETING 推得好密，

續上次玩完唔到既辣味(咖喱，韓式辛辣同埋日式芥辣)之後，早幾日又有新野推出喇，就係『黑白系列』，

系列成員包括黑漢堡，白漢堡，黑白珍珠奶茶及黑白珍珠焦糖新地，

今次我又深入虎穴，為大家卒先試食

澳門3曰2夜漫無目的之旅 - 玩樂篇下

講完食之後，就講下去澳門玩左D咩，

其實澳門地標，好似大三巴，旅遊塔已經去過幾次，冇晒吸引力，

之前聽朋友講話澳門有個科學館好多野玩，想去玩好耐，

今次終於有機會玩喇~

澳門科學館

開放時間： 星期一至日早上十時至下午六時

                     逢星期四休館　公眾假期照常開館

地址：         澳門孫逸仙大馬路澳門科學館

交通：         公共汽車站 - 往觀音像方向的3A、8、10A及12號巴士可抵達澳門科學館，我果日係黑沙環坐22號係澳門藝術館落車行過去

逢星期六日及政府公眾假期，科學館會提供免費單程專車服務，接載參觀者由澳門科學館前往外港客運碼頭

持澳門科學館門票之訪客可享優先服務，免費專車開出時間：16:35 17:05 17:35 18:05