Zalora Online Shopping 網購經驗分享

話說上幾篇介紹過 Online Shopping 網購經驗，ZALORA 係 DY 唯一一間未試過既網店，為左再詳盡D介紹呢間近期非常火熱，打廣告超猛的網店，唯有親身會一會佢。既然上篇已經簡單介紹過係ZALORA揀衫既心得，今篇就單刀直入，分享下將心頭好放入購物籃之後既經驗吧

網購知多少，個人經驗簡單分享 (含ZALORA，ASOS，GAP，Eastbay 及淘寶)

網購online shopping，我猜好多人都有吧，網購的進階版應該是美國USA，英國England，韓國Korea及日本Japan代購，集運等服務，但個人認為，海外集運比較複雜，預算運費是有一定難度的，因為集運公司一般是以貨物總面積或重量作單位計算運費的(當然以較高為準) ，但要是我買一雙鞋子，就算我估到重量大約多少，要猜測鞋盒的面積都有難度吧；要是我買衣服，一件好了，但要店主客氣地用禮盒包裝，你預算就.........也夠慘了吧。所以目前為止，就算擁有豐富網上購物經驗的我，都是以有能明確計算運費的網站為主。再者，有些網站如LEGO.COM，它們只收美國的信用咭，難度再升一級，既然DY不是玩具控，就沒有再找尋破解方法了 (就直接承認自己還是網購初哥好了~~~喂!!)

眼見身邊朋友都開始網上購物，而且年齡層有擴大的趨勢，就讓DY分享一下個人最近經常瀏覽的線上商店吧:

ZALORA Online Shopping

難分真與假- 不死經典 Nike Air Force 1 Low

平日返工要著西裝，formal 到唔荒蕪，

所以放假既時候，我多數會著得好causal，即係牛仔褲加t shirt，熱天就短打加背心，

鞋就以運動鞋為主，總之以舒適為大前題，當然出街既運動鞋同打波既運動鞋大有分別，

打波既運動鞋著重保護性同靈活性，而出街既運動鞋就著重外觀同易襯度(唔知有冇呢個terms.....哈哈)講開易襯度，當中既表表者就一定係 Nike Air Force 1 Low，

呢對已經面世超過30年既百搭鞋款除左可以配搭牛仔褲之外，襯上短褲亦唔會失禮，

正正因為佢咁百變，所以近年Air Force 1 既身價不斷攀升，並且升格為公價貸品，同所有折扣絕緣，

狡猾的商人當然隨之出動，係各大拍賣網站及小商鋪，以低價出售A 貨欺騙消費者，

而A貨既像真度就好似打機咁不斷"升呢"，已經去到99%相似既地步，

所以今次捌拾後決定同大家比較一下正貨同A貨，分析兩者既分別，以免大家受騙

Sony NEX - 5R EVIL 無反相機開箱文

之前用開Canon 450D 單反相機，配埋支騰龍恆定變焦鏡 Tamron 17-50 F/2.8 VC (B005) 加埋個Nissan Di622 閃光燈，

呢個組合可以話係入門既層面完美(有限budget 前題下)，

騰龍標準鏡水準一流，450D畫質更不用懷疑，一般咁用係不成問題的，

但係我係一個兩袖清風既人，出街淨係帶3寶(銀包，電話，鎖匙)，唔鐘意帶袋出街，所以450D 呢個組合就好難做到隨身機既功能，

加上3 樣野加埋都有一定重量( 大約2KG) ，帶住佢出銜成日係有點辛苦的，旅行郊遊更增加辛勞感，

有見及此，早已想換入一部有單反質素而又輕便既相機，好讓我繼續享受攝影既樂趣，而又唔會增加我出街既負擔。

如果要乎合以上條件，係呢個MOMENT，基本上市面係得2個SYSTEM可以做到, 1係4/3，2係無反，

4/3 好似係講個感光器面積為約17MM X 13MM (一般DC多數少過一吋) 由於比例為4/3， 所以簡稱4/3，

無反既感光器同單反一樣為約22MM X 15MM，所以拍攝質素基本上係同單反一樣既



有出無反既品牌唔係多，但一定以SONY 為先驅，出左最耐，玩味最濃，FUNCTION 亦最多，所以應該別無他選，

雖然錢解決到既問題就唔係問題，但我最大既問題就係無錢，一部NEX - 5R 無反香港零售價為$6490 ，當然 D 大型連鎖店會送好多野比你，

例如後備電，記憶咭，相機袋等等，但識貨既朋友都知，除左果粒原廠後備電外，其餘既野係豬頭骨ONLY.....

由於係新機既關係，就算我出尋訪，間間店舖都係以建議零售價發售，所以我托日本親戚，於日本給我寄來了一部日本版既NEX - 5R，平香港成截

所以以下開箱文會以日本版為本，雖然日本版同香港版一定有些許差別，但相信落差應不大，先黎介紹下NEX-5R 既重點先:

● APS-C 尺寸 1610 萬畫素 CMOS Exmor 感光元件

● 感光度 ISO 100 至 25600
●  1080 @ 60p高畫質錄影

● 自動人像構圖裁切

● 3 吋 180 度翻轉螢幕

● 觸控螢幕，並支援觸控快門

● 快門速度 30 秒至 1/4000 秒

● 連拍速度每秒 10 張

● 快門延遲僅 0.02 秒

● 內建 WiFi，可透過手機應用程式操控

● 體積 110.8 x 58.8 x 38.9mm，機身重量 276 公克

廢話少講了，開箱吧

無聊之霸系列 - 球鞋篇

唔知大家有冇好似筆者咁，一出雙糧就身痕?! 加上宜家周圍都有大減價，痕癢程度真係同比蟻咬冇分別~
(救命呀，唔好咬我呀，我要儲錢買樓上車)

筆者係個正宗籃球迷，中學時代已經開始打波，日打夜打，為求賺取女同學既打氣聲

開始左打工之後，盡量維持每星期都打一次波既習慣，為求阻止那條擾人既"士啤軑"攻佔我完美既身段

睇完之後，大家就會覺得我上個星期買左對籃球鞋係幾合情合理同合法 (我就係咁同女朋友求請)，哈哈


不過今次介紹比大家識既籃球鞋，主要係想比大家知道宜家既波鞋發展到咩程度~

首先大家要知道宜家人類既思想同上一個年代係有少少逆線行走，例如90年代手機愈出愈細，宜家D手機就愈出愈大，大到一隻手都揸唔晒就好。同樣，籃球鞋都一樣，以前既鞋好死重，感覺好實在，宜家D籃球鞋就好鬼輕，輕到你著左都唔知。

其實買新鞋既時候我係睇左2對既: Adidas Adizero Crazy Light 同 Adidas Rose 773，2對都係以輕聞名。
Adizero Crazy Light 2 只重270克，是adidas男裝新一代的最輕的籃球鞋。 改良化的 SPRINTFRAME及SPRINTWEB 提供穩固的支撐，EVA緩衝設計可減輕著地時的壓力

大家冇睇錯，對鞋真係得270g，輕到難以想像。


大家可能會問，270g 有幾多有幾重??得我簡單解釋下:

平時旺角夾糖$4.5/ 100g = 即係你夾多過$12.2 就重過呢隻鞋 OMG
如果你食Yogurt $15/100g = 即係你連topping比多過$41就重過呢隻鞋 Unbelievable
一包卡樂B (Calbee) MEGA Pack 薯片係 200G = 即係加多包中size 既薯片就重過呢隻鞋 I m not kidding

無聊之霸系列 - 死光槍

相信大家都有睇過《志明與春嬌》

入面嘅內容都幾寫實，不過今次唔係寫影評，只係想引用入面余文樂嘅一句對白: 朋友話我係中學之後就冇長大過!!

我諗大家一定好認同，特別係女士們!!  無錯，唔知點解，男士們對玩具係情有獨鐘，個道理就如我地唔明解女士做咩需要咁多個包包一樣，其實根本唔洗明，只要唔係太沉迷的話，就let go 啦，咁樣有寄託嘅生活先有意思。

筆者既係男士，又有無聊之霸之稱，最無聊搞野既新潮玩物我都好留意，雖然未必樣樣野都會買，但係唔買都會介紹比身邊朋友，務求sell到佢地買完再逆權侵佔，樂趣更甚。

今次介紹嘅係太空死光槍一支，喺琴日路過銅鑼灣 times square log-on見到，佢唔只係一個槍型嘅鎖匙扣，而且重可以發出"蕉蕉蕉"嘅激光聲，講到咁吸引，緊係二話不說就購為己有啦，哈哈哈。