Android Facebook Home 搶先試玩報告

Facebook 自從上左市之後，

就不斷進行革新，由版面到玩法都不停改變，好唔好就見仁見智，

不過佢地最近就有一個比較熱爆既concept推出 - Facebook Home

Facebook Home希望將手機首頁介面轉為 Facebook 先決的 Android App，

暫時只係比Android 用家玩，唔知遲D IPhone用家有冇呢?!Facebook Home係上星期美國時間 4 月 12  日率先在 Google PlayStore 讓用家下載，但亞洲用家們一直沒有消息，

今天，亞洲用家 (已測試香港支援) 只要登上 Google Play 就可以安裝 Facebook Home，

不過如果你的裝置不是 HTC One X, One X+, Samsung Galaxy S III, 及 Galaxy Note II 可能依然不支援，

坊間其實已經有破解版既.APK 檔流出，聲稱支援所有手機裝置，心急既朋友都可以試下由著名破解網站XDA既測試版本

XDA DEVELOPERS網站

(不過好似有D人試過破解版話唔成功)

不過無論你係咩所家，都可以參考下面試玩報告先決定下唔下載

鐵甲奇俠 Iron Man 空降 希慎廣場Hysan Place

我除左係一個龍珠迷之外，亦都係100%既美國英雄漫畫迷，

MARVEL 同 DC COMICS 都係我至愛，

BATMAN, IRON MAN, SUPERMAN, SPIDERMAN, CAPTAIN AMERICA 等無一不歡，

咁多個人物我諗BATMAN 同IRON MAN 一定係至受歡迎喇，

男既鍾意佢地夠型，女既就愛佢地又有錢又打得等到頸都長，鐵甲奇俠 Iron Man 3 終於會係4月25日於香港上畫，

有冇人同我一樣等唔切呢?!

宜家有個地方比大家止一止渴~~~

銅鑼灣希慎廣場Hysan Place將於4月5日至5月12日期間舉行「Suit Up At Hysan Place Powered by Hot Toys」展覽，展出多款Hot
Toys專為《Iron Man 3》打造的全新1/6
Figure，還有過去七代的1/1 Iron Man列陣，另一邊廂就設有「Become
Iron Man」虛擬體驗裝置，讓來賓感受當Iron Man的滋味。令希慎廣場搖身一變成為男人天堂，IRON MAN FANS 必到參拜之地~

基本上 Iron Man展覽可以分為3個區域，

1區: 啟超道入口處的1/1 Mark XLII
2區: 商場平台既IRON MAN 七代列陣加模型展
3區: 4樓既IRON MAN 造型展

不過我上星期去果時「Become
Iron Man」虛擬體驗裝置未整好，冇得試玩住，不過都影左D 相報告一下，

唔講咁多，去相~

復活節的祝福 - 望道號 Logos Hope

今個復活節日日落雨，戶外活動完全取消，

本身以為呢個長假就咁係屋企過既時候，天公就開始造美喇，終於可以出去行下，

果然係希望在明天~~

今年年頭，望道號 - 世界最大海上圖書館曾經停泊過係海運大廈，可惜果時抽唔到時間去睇下，

好彩佢地22/3 - 1/4轉泊左係堅尼地城招商局碼頭，既然停左雨，緊係把握機會上船參觀下啦~~

先介紹一下望道號:
望道號主要使名係傳播知識、幫助和盼望！

 望道號Logos Hope是OM(福音團體)與好書共享協會(GBA Ships)目前唯一的，也是史上最大的一艘海上圖書展覽船。自2009年開始係世界各地停泊及招待人們上船購書，為要向世人傳播知識。他們的船員來自50多個不同國家的，400多位船員們來到同一艘船上做義工，宣揚愛與知識。去到唔同既國家，特別係比較窮困既國家時，船員會幫手做唔同種類既人道救援工作，例如他們曾在南美搭蓋教會、在加勒比海修建房屋水塔、在非洲重搭學校、捐贈教科文具、開放牙醫義診等等。同時，佢地亦會開放各類講座，幫助當地人增進各種當代知識，例如環境保護、認識HIV病毒等。

望道號上載有7,500多種書籍，包括家庭文學、各地食譜、專業教科書、休閒嗜好同埋聖經。為了更有效的傳播知識，在各大城市裡或許多資源難求的地區(例如南美的蓋亞納、西非的獅子山...)，船上的書均以儘可能的最低的價格供應大眾。望道號也視需要而在當地捐贈書籍給教會、學校或圖書館。

聽見佢地既理想有咁宏大，就已經想上船見識下同為船員打打氣，

坐巴士到達碼頭，滿心歡喜想用部新相機影下相既時候，搵極個袋都唔見部NEX  5R，明明係防潮箱攞左出黎，唔會唔見左咁大鑊掛，

標緊冷汗既同時，即係打返屋企，原來係攞左出黎冇放到入袋，呢D 天才行為大家真係唔好學，心臟病患者需特別小心~~

咁我又用NOTE 2 同大家直擊報導啦~~

龍珠大回歸 - Dragon Ball Tap Battle

又有新app 介紹大家喇~~

我諗九成男士都一定睇過龍珠，細過會學佢地出龜波氣功，

超任年代都有過玩武道大會，相信龍珠都係很多機迷同漫畫迷既集體回憶吧，

近年龍珠雖然有係PS3 上面登場，可惜3D感太強，少左D漫畫感覺，快感始終欠奉，

而且，PS3只能夠係屋企玩，我人生超過一半都係公司度過，點玩啫~

不過唔怕，因為今日，《龍珠 》終於係 Android 平台出場，等一眾龍珠迷可以係手機上面隨時隨地開戰！

現時遊戲支援
Android 2.3 – Android 4.1 平台，但只有用日本 SIM 卡才可購買和有日文系統語言的手機才玩到，

《DragonBall Tap Battle！》售價要HK$27，以日本遊戲來說不算貴，而且內容一點也不馬虎，

$27 可以買到童年回憶真係物超所值！

玩過手機格鬥遊戲的朋友可能會擔心，虛擬搖桿和按鍵一定很難控制，好似STREET FIGHTER街頭霸王及KOF KING OF FIGHTER咁，係手機CHOK 到死都CHOK唔到一招半式，這次 Tap Battle 就加入左簡單既觸控方式，只需點擊屏幕不同位置和對手的身體，即可迅速移動和攻擊，十分爽快。除了一般格鬥，遊戲還引入了技能卡和針對觸控的玩法，轉頭再為大家介紹下！

當然如果大家慣左用虛擬搖桿的話，可以係OPTION 入面較返，但玩起黎真係冇咁爽快~~

在這模式下角色的移動位置分為遠距離、中距離和近距離，玩家只需分別點擊屏幕左下、中下和右下便可。另外也可跳起，也是分上、中、下三個高度，所以可以跳起避過對方的攻擊。

唔講咁多，戰鬥開始!!!!!