又搬家了

捌拾後 - DY 又搬家了，不過今次唔同上次Yahoo 被逼遷，而係自己開左個個人網頁，domain 同host 都係自己既，自由度更加大，又唔洗擔心業主又逼遷既事情再發生。

為左長遠發展，以後會用返自己個真名 Durand Yue - DY 行事，希望大家會繼續支持我啦

新網址如下，記得bookmark wo Xdd，而 Blogger / blogspot 呢邊就唔會再 update 了

www.durandyue.com

加拿大美國之旅 - 韓國轉機篇

YEAH，之前因為工作繁重，加上轉工關係係，算落DY 已經有成 2 年未有放過大假，但今日........我........ 終於...........有假放喇 ，而且係一個好長既14日悠長假 (感動MODE 開動)。

呢個假期除左可以休息外，重會參加表姐係加拿大Canada 舉行既婚禮，之後再到美國USA探親，真係好足實。而今次乘搭既航空公司，就係KOREAN AIRLINE，因為聽聞他們服務不錯，而且座位空間亦好好，呢點極其重要，因為經過上次乘搭UNITED AIRLINE (UA) 去美國既經驗，係一個比頂腳還窄既迷你空間入面被困20小時之後，我發覺呢方面既錢係不能節省的。

乘搭大航去加拿大，首先要係首爾轉機，所以同時達成我第一次踏足韓國的成就。轉機大約需要等候5小時，但係首爾機場入面，消磨時間實在太容易了。

首先有無限咁多間LOTTE 樂天免稅店(但係間間差唔多的)，有FOOD COURT，有電腦免費上網，有按摩，可以沖涼，重有埋按摩椅免費提供，加埋個迷你展覽，真係唔捨得走~

韓國代表 PSY Gangnam Style

落地果時，有個開心大發現，就係原本機場有提供免費中轉旅遊服務，行程最短既有1小時 (龍宮寺寺廟之旅) ，多少少時間 2-3小時就有仁川米城時之旅，再長D 5小時直頭可以出埋首爾SHOPPING TIM。免費項目只包括觀光巴士及導遊費，其餘門票餐費都要自費的。

Korea Transit Tour Counter 早上6時才開始辦公，一開門就一支箭衝過去，不過面對既係一位唔擅長英文既職員。宣傳單張寫明，只要有護照，入境機票及下一程機票便可以參加，但呢位韓國大叔看完我們本香港特區護照後，堅稱我們一定要申請VISA 才可以出境參加TOUR，但明明特區護照去韓國是免簽證的麻，他們打電話查詢佢上司，之後就語窮地向我們說VISA VISA，面對呢個言語不通既局面，只好放棄

既然冇得出去初嘗韓國，唯有係機場打BLOG 消磨時間啦........

Facebook: www.facebook.com/post80sdy
Blogger: http://post80sdy.blogspot.hk/
Weshare: http://www.weshare.hk/post80sdy

微博: http://weibo.com/post80sdy

新浪博客: http://blog.sina.com.cn/post80sdy

Pixnet痞客邦: http://post80sdy.pixnet.net/blog

魅族 Meizu MX4 開箱試用報告

國內手機品牌的冒起，令消費者係智能手機市場上，多左好多選擇，而它們之所以能迅速深入民心，主要是因為它們都係以 "性價比 CP 值 "取勝。

雖然打著CP 值作招徠，但近來國內手機廠商都冇將貨就價，而且硬件上跟大廠根本亳無分別，當然有D廠商會係唔同小細節上偷工減料，但魅族 Meizu 就是國內少數唔肯妥協，堅持以良好質素完美工藝打造手機的品牌。

魅族 MX4 為第一家採用 MediaTek 的 MTK MT6595 4+ 4 核心處理器的廠家，它包含了 ARM CortexTM-A7 和CortexTM-A17 核心(2.2GHz + 1.7GHz)，可以根據使用狀況自動切換大小核，而且呢個CPU 係可以8核全開，功效十分不錯，只是MTK給予消費者的感覺是低階機的配備，希望呢粒CPU可以扭轉呢個局面，令高階手機價錢有所調整，改變高通 Qualcomm獨大的狀況。

MX4 支援 4G LTE 5 模 13 頻，不僅支援中國移動 CMCC 的 4G TD - LTE 網路和中國聯通的 4G FDD LTE 及向下支援 3G TD-SCDMA 、WCDMA 與 2G GSM 頻段，即係一部機打通晒國內所有頻道，以後唔洗再分移動版或者聯通版

MX4 還支援最新 802.11ac 協定,傳送速率高達 433Mbps。

Zalora Online Shopping 網購經驗分享

話說上幾篇介紹過 Online Shopping 網購經驗，ZALORA 係 DY 唯一一間未試過既網店，為左再詳盡D介紹呢間近期非常火熱，打廣告超猛的網店，唯有親身會一會佢。既然上篇已經簡單介紹過係ZALORA揀衫既心得，今篇就單刀直入，分享下將心頭好放入購物籃之後既經驗吧

時代廣場「One Piece Docks at Hong Kong」海賊王動畫主題展覽

在日本漫畫週刊《週刊少年Jump》中長期佔據人氣榜第一位的《ONE PIECE》海賊王早前駐軍在時代廣場，參與一個「One Piece Docks at Hong Kong」動畫海賊王主題展覽 ，雖然DY已經好耐冇睇過日本動畫，但聽聞日本人氣動畫ONE PIECE 於香港人氣爆燈，始終都要黎潮聖一翻。

ONE PIECE 概要

(來源: WIKI)

擁有財富、名聲、勢力、世界上的一切的「海賊王」哥爾·D·羅傑在即將遭到處刑前說出了一句話：「想要我的財寶嗎？想要的話可以全部給你，去找吧！我把所有的財寶都放在那裡！」，後來世界上的人們將這個寶藏稱作「大秘寶」（One Piece），許多人為了爭奪大秘寶「One Piece」，而先後爭相出海成為海賊，後來就形成了「大海賊時代」。主角蒙其·D·魯夫為了要實現與「紅髮」傑克 的約定而出海，在遙遠的路途上找尋著志同道合的夥伴，一起進入「偉大的航道」，目標是成為「海賊王」。

HTC One M8 開箱試用報告 - 外觀篇

每年一台旗艦手機既 HTC，於今年3月Mobile World Congress 冇跟隨其他大廠商，如LG，SAMSUNG等發佈新款智能手機，反而選擇係數個星期後，於美國紐約 NEW YORK 宣布推出其2014的最新產品 - HTC M8。

HTC一向手機都有保證，而佢地既手機係少數利用鋁鎂合金作材質，機身金屬比例 90％，以一體成型的方式製作的手機，所以感覺比較高貴，亦較時髦，就因為佢地唔同其他一樣，利用塑膠作材質，所以HTC 都被冠名ANDROID 介既 Apple (以前比人話似Apple 就係好事，而家就...........)

有人話用好大mon手機，就會用唔返細屏幕手機，但我又恰恰相反，用過三星note系系，覺得太大部手機其實唔太方便，故又重投單手操作手機系列。是次入手是歐版M8，但因為底版有問題，所以買左一日就入左廠一個月做維修，令DY 今日先可以寫個開箱試用報告。

<好APP推介> Spring - 又一個必備的自拍神器應用程式

自拍 selfie ，除左要有硬既協助之外 - 伸縮棒，後期製作是張相出街前既例行工事吧

除左美顏美圖美白之外，最近有個新APP 將後製呢件事再升華.....就係增高.......

如果大家都想擁有哈薩克 Kazakhstan 排球美少女莎賓娜 Altynbekova Sabina 既12頭身 或者係120公分長腿? 宜家人人都有機會喇 ~

Android  既用家請去Play Store 下載應用程式 (免費的，PRO版收費$15.29)

按我於Play Store下載 - Spring

「變形金剛AR卡------三十周年珍藏版」產品試玩會

前早受紅點子創作(香港)有限公司 REDSPOTS CREATIVE 公關邀請，參加佢公司設計既新品 - 「變形金剛AR卡------三十周年珍藏版」產品試玩會。說實話，去之前已經睇晒D簡介，但都唔太清楚到底呢個新品既玩法，所以去之前都好期待紅點子既介紹。

先簡單介紹下張咭:

呢張AR卡是《變形金剛4：絕跡重生》Transformers 4: Age of Extinction 既相關產品，
適逄今年是風靡全球的變形金剛誕生三十周年，紅點子獲得孩之寶正式授權，推出「變形金剛AR卡------三十周年珍藏版」，採用嶄新AR技術(Augmented Reality，中譯擴真實境)，將珍藏卡和手機程式聯動，體驗不同AR互動效果！

變形金剛AR卡------三十周年珍藏版 (以下簡稱：變形金剛AR卡)集合了21個變形金剛電影版及經典版的角色 (共63款)，是一種可與手機互動的卡牌！

AR技術之前係希慎廣場美國隊長 CAPTAIN AMERICA 既展覽第一次見識過

美國隊長 Captain America 登陸 希慎廣場Hysan Place

配合手機應用程式《TF30 Expo》掃瞄卡牌背面，卡牌的變形金剛角色即從卡牌中走出來，配合角色的變形卡和戰鬥卡更可使他變形或做出各種經典戰鬥動作，將兩張角色卡放在一起更會激烈的戰鬥場面！另外，應用程式更包括了拍照和將角色放大、縮小、移動和轉pose的功能，實行讓玩家可設計不同的場境，在現實中重現變形金剛的故事。

網購知多少，個人經驗簡單分享 (含ZALORA，ASOS，GAP，Eastbay 及淘寶)

網購online shopping，我猜好多人都有吧，網購的進階版應該是美國USA，英國England，韓國Korea及日本Japan代購，集運等服務，但個人認為，海外集運比較複雜，預算運費是有一定難度的，因為集運公司一般是以貨物總面積或重量作單位計算運費的(當然以較高為準) ，但要是我買一雙鞋子，就算我估到重量大約多少，要猜測鞋盒的面積都有難度吧；要是我買衣服，一件好了，但要店主客氣地用禮盒包裝，你預算就.........也夠慘了吧。所以目前為止，就算擁有豐富網上購物經驗的我，都是以有能明確計算運費的網站為主。再者，有些網站如LEGO.COM，它們只收美國的信用咭，難度再升一級，既然DY不是玩具控，就沒有再找尋破解方法了 (就直接承認自己還是網購初哥好了~~~喂!!)

眼見身邊朋友都開始網上購物，而且年齡層有擴大的趨勢，就讓DY分享一下個人最近經常瀏覽的線上商店吧:

ZALORA Online Shopping

揀手機，揀邊間?! 睇完呢篇就識揀 (HTC， LG，Sony 同 Samsung)

隨住智能電話smartphone的普及，愈來愈多品牌都會推出相關產品，近幾年，好多國內品牌都冒起頭來(如小米 Xiaomi，華為 Huawei，魅族 Meizu，中興 ZTE，OPPO 等等等等等等)，而且質素愈來愈好，但香港人，有幾多個真係識分析邊個牌子好丫，而且高階智能電話都係一種奢侈品，所以，無論個市場點變，都係大品牌市場既天下，宏觀所有生產商，最Top 既一定離唔開  HTC， LG，Sony 同 Samsung (Sorry ，用開Android用唔返Apple iPhone，所以不予致評蘋果產品，哈哈。)

誘使我要寫呢章文章既原因，係早幾日入手左部HTC ONE M8，滿心歡喜將舊機既資料過落去新機度，再將皇額娘部手機既資料過落我舊機度，等大家都有新機用(不孝子呢D危險動作，小朋友唔好亂學)。一輪大龍鳳之後， 部M8用左1日後，個相機就有問題，黑屏彈APP，OMG，第2日即刻去維修中心整機。

上去維修中心after sales service centre，心情當然唔太好，但HTC既客服服務實在唔錯，既然我講手機硬體都冇人聽得明既話，不如我試下用售後服務去評論下呢Top 4手機龍頭，等大家買手機既時候都多D野參考。

(微博圖片)

<好app推介>Nokia 新推 Android 主介面程式 Z Launcher

Microsoft 成功收購 Nokia 後，開始為Nokia 大展拳腳了! 希望Nokia快D出返部好手機，個人好懷念當年3310點跌點用都唔爛既日子~~

Nokia 第一個轉變係開始接受Android (雖然呢個決定遲左十幾年，但遲到好過無到喇)。話雖如此，但佢地始終唔肯走大路，點都要加一D自家野上去，可能點D就係大公司既執著個性吧。

繼Nokia X, X+ , XL系列使用WINDOW形式既介面後，Nokia又推出一個另一番風味既介面試試市場反應，講緊既係今天正式推出既Android 主介面程式 Z Launcher。

Launcher 故名思意就係一個主介面，Z Launcher呢個設計將介面設計安排得十分簡潔，用起來相對容易，但由於呢個Launcher 重係BETA階段，官網稱暫時只能兼容某幾個主流手機型號，如 Nexus 5、Galaxy S5、S4、S3、Moto X、HTC One 及 Sony Xperia Z1 ，至於其他手機有可能會有問題，DY測試手機雖不在上列但使用上也沒有太大問題呢

呢個就係主介面，6個圖示就係智能排序你最常使用既APP 或功能，並不設上下左右滑動的，一滑就是文字輸入

1600熊貓快閃遊- 香港站

1600Pandas熊貓橫掃全球，續法國，荷蘭，意大利，瑞士，德國及台灣後，終於到達香港站喇! 佢地將會馬不停蹄咁追蹤香港唔到著名景點。巡迴展最終站將會係PMQ元創方作展覽活動開幕禮，希望借創意呼籲大家愛保育，力撐持續發展，宣揚人與自然共存的訊息。

由於1600熊貓抵港後，於平日以快閃突擊為主，上班一族完全係冇機會去現場感受，直至星期六14/6，1600熊貓終於快閃尖沙咀鐘樓，展出時候只有短短3小時，所以吸引左極多人去參觀，去逼入去影相真係唔容易，加上龍友勁多，佢地一進駐前線就會留守不動，懶理身邊小朋友及老人家希望親近熊貓既感受，好心啦，個人沒有品德，影到靚相又如何，比你呃多幾個讚又如何。見到如此場景，加上浩熱天氣，影左一陣就閃人。

百靈牌Braun°CoolTec冰感科技電鬚刨開箱試用報告

父親節就黎到，大家係咪又煩惱緊買咩父親節禮物呢?! 我諗最近大家都會首先考慮買智能手機smartphone比父親大人，但市場上平價手機既質素真係好參差，同埋每個人既要求都唔同，有人鍾意大mon，有人追求手感；有人喜歡高清螢幕，但有人寧願要耐用，所以買手機最好都係一齊去揀，唔係買錯都幾麻煩。

咁對於想製造驚喜既朋友，就要放棄手機考慮其他選擇喇，電子產品黎講最穩陣就一定係電鬚刨，因為基本上每位男士每一日都需要用，所以買左就一定用得著。

今次介紹既係百靈牌Braun°CoolTec冰感科技電鬚刨，首先感謝百靈牌Braun 公關既貼心安排，令我收到人身第一份父親節禮物，還有夏天必備的環保冰，超細心的 XP

例牌簡單介紹下呢份父親節禮物先 

來自德國的Braun，推出左全球首款具備冰感科技的°CoolTec冰感科技電鬚刨，瞬間強力冰封剃鬚過程中產生的灼熱感、泛紅及皮膚繃緊，顯著減少剃鬚後引起的不適，對皮膚幼嫩像我既男士們超有用的。

Braun°CoolTec冰感科技電鬚刨刀頭備有創新的鋁質冰感冷凍棒，能瞬間將剃鬚中產生的熱量從皮膚表面帶走，同時將水分迅速冷凝對抗皮膚乾燥繃緊，冰涼感覺遍透鬚鬢間，讓臉部於剃鬚時保持舒爽無比的感受。完美的早晨，由手握Braun°CoolTec冰感科技電鬚刨開始！

墨西哥神秘之旅

墨西哥，第一個感覺係犯罪之都，報章新聞記載既都係毒梟爭奪地盤，刀光劍影之地。CES之後，公司有令要去墨西哥跟客人開會，兼且視察當地市場環境，打工既，硬住頭皮都要去。

今次目的地係墨西哥城Mexico City，據當地人資料，應該係墨西哥中部及墨西哥既中心地帶。基本上當地唔算得上富裕，車輛以舊車為主，一般民居亦頗殘舊，而非主幹既街道，甚至沒有街燈。

而大家最擔心既問題就係治安，一般旅遊區扒手小偷問題當然有，但就冇幻想中槍火亂嗚，原來電影中既槍戰場景主要集中係北部，美國邊界位置，由於黑幫會為美國毒品市場爭地盤，所以果邊會較亂。而今次開會既地方主要圍繞商業區，所以感覺還好吧。但在墨西哥，旅客不是隨處可見，盡管是旅遊景點，都是以當地人為主。語言方面，西班牙文就係當地語言，酒店及商業區都會有人識英文，但其他地方就要有指手畫腳既準備。

美國隊長 Captain America 登陸 希慎廣場Hysan Place

承著去年Marvel《鐵甲奇俠Iron Man 3》的熱潮，將Iron Man帶入希慎廣場Hysan Place ，Marvel最新鉅獻《美國隊長Captain America 2》現強勢上映，Hot Toys 再次將超級英雄帶到希慎廣場

想重溫既朋友可以去:

鐵甲奇俠 Iron Man 空降 希慎廣場Hysan Place

Hysan Place由2014年4月3日至23日化身神盾局「S.H.I.E.L.D.」基地，展出美國隊長最新造型的1：1比例原大雕像，並聯同國際知名珍藏人偶品牌Hot Toys展出最新美國隊長2極像真1：6比例珍藏人偶系列、以及5款1：6比例電影情景 ，將電影經典場景重現眼前，Marvel超級英雄迷絕對不容錯過！

小米行動電源開箱報告

小米Xiaomi既飢餓行銷同埋低價格戰術，市場滲透率十分有效，宜家我諗大部分人都會識呢個品牌。但佢地既行銷手法十分有問題，首先係次次開賣都比人秒殺，但市面又不斷有炒家放貨，好似話已經有機構調查緊係咪有人造數，最近，佢地既宣佈將會推出既米鍵，甚至比人踢爆係炒美國KICKSTARTER PRESSY既設計，重要炒到十足十，而且價錢重要係一地既20份之1，點同佢玩。

基於次次開賣都會比人秒殺，想入手佢D產品其實好有難度，可能我鴻福齊天，最近竟然比我輪到個小米尿袋 wo，緊係出篇文黎炫耀下啦。

目前香港只係得大尿袋，小尿袋(5200mAh)應該4月8日先開賣。大尿袋擁有10400mAh超大電量韓國進口鋰離子電芯  LG / 三星進口電池，可以為手機、平板、數位相機充電。宜家一般旗艦手機電池容量大約是3000mAh，即係叉3次都有找。

至於安全問題，官網稱它有全球頂級電路保護晶片9重保護，採用世界最大電路供應商美國德州儀器的最新USB智慧控制晶片及充放電晶片。
不僅提供9重電路保護，還能全面提升充放電效率。而且有下面既安全保護說明，應該唔會爆掛 Xp

一開盒就見到為發燒而生，舊電唔好發熱就等kala

Google Maps 有Pokemon捉 ?!

Google 剛剛就宣佈會舉行「精靈掌門人大賽Pokemon Challenge」，等各位用 Google Maps 捕捉寵物小精靈作比賽，大家準備好作戰未?!：

美國拉斯維加斯CES 2014 工作旅程 (下)

CES係拉斯維加斯LAS VEGAS 其中一個最大型既展覽，成為當地經濟既一大重點。而且，1月份當地氣溫大約8-20度 (日夜溫差非常大)，但夏天會急升至最高40度(沙漠地區MA)，為免熱死，好多旅客都會選擇呢個時間到訪VEGAS的。既然係當地既旅行旺季，所有酒店房間都好易爆滿，而且價錢都變得瘋狂，所以唯有選擇STRIP (賭城大道 -最新酒店臨立的街道)周邊地方入住。由於預算有限，最後選擇了Westin Las Vegas Hotel落腳，Westin 雖然唔係以華麗見稱，不過係拉斯維加斯入面就予人踏實既感覺，而且入住期間見到無數空中小姐同機師，感覺份外專業。價錢方面，Westin同樣親民，大約USD180/晚，係浮誇聞名的VEGAS黎講，算係便宜KA LA。VEGAS 可以行既地方唔多，通常都係STRIP睇下酒店咁，所以建議係STRIP度搵酒店會比較方便，如果唔怕攰，重可以以步行觀光，因為城內經常塞車，步行可能重快。

(網店圖片)

<好app推介>世嘉SEGA經典遊戲Crazy Taxi免費下載

相信機迷對世嘉SEGA 既瘋狂出租車CRAZY TAXI一定唔陌生，想當年，係街機玩駕駛遊戲比較簡單，唔洗買SAVE CARD，唔洗用棍波拖波，淨係向前衝完成任務就可以。之後呢隻GAME都移植過家用遊戲機，印象中DREAMCAST 同PLAYSTATION 都有出過。

時至今日，CRAZY TAXI 就推出左手機版迎合社會需要，之前隻遊戲只有付費版及試玩版，不過今日就有個限時免費版比大家下載，快手下載啦，因為冇講幾時完KA !!

記住係下載Crazy Taxi Free 而唔係Crazy Taxi Lite，因為LITE 版雖然都係免費，但有限玩時間的

論盡星加玻航空公司 Singapore Airlines

去旅行，如果唔係揀廉航的話，香港人首選一定係國泰航空Cathay Pacific，而星加玻航空Singapore Airlines唔係次選都會係三甲，但今次飛往巴塞隆納Barcelona MWC工幹既經驗，個人對星航既感覺就好壞參半。

先講去程，坐星航由香港飛巴塞，就要由星加玻機場轉機。由於航班延誤，飛抵星加玻機場後，距離另一班航機起飛既時間只相差5分鐘。一落機，星航工作人員就安排機場高爾夫球車，接載DY奔馳十幾廿個閘口後進行安檢後，然後飛奔上機。雖然人就安然上機，但行李就轉唔切，所以上機後第一件事，就要決定到底要人到巴塞行李唔到，定係攬住行李係星加玻滯留。由於已經DELAY了不少，空中小姐慷慨地叫我於1分鐘內作決定，咁既然於巴塞既酒店同行程都訂好了，就緊係照樣出發啦，留係星加玻有金執麼?!

真人冒險遊戲 - 如果派 試玩報告

說真的，由YAHOO BLOG 搬家到BLOGSPOT 之後，寫BLOG 的動力減弱了，

可能YAHOO BLOG 比較像一個團體，BLOGSPOT比較像一個個體，

人在荒島自然會失魂落魄，但最近，捌拾後DY再次收到公關的電話，才驚醒自己的博文重有讀者留意的，就係呢個原因，我決定重新整理呢度，重拾寫文章既樂趣，大家記得多多支持!!

如果派 - 真人冒險遊戲

逃出遊戲玩得太多，由最初被鎖起個密室入面，要解謎逃脫 ; 到逃出遊戲加偵探元素;

真係諗唔到重有咩野可以加入去，而且逃脫遊戲愈開愈多，獨特性開始減少，對呢類遊戲既興趣亦隨之下降。但好在，MR. ESCAPE 佢地有自己既專業設計團隊，不斷加入大家意想不到既新元素，令玩家每次試玩都充滿驚喜，所以去之前都充滿期待。

如果派有別於一般傳統逃出遊戲，首先範圍大左好多。如果派共有6層3個遊戲，每個遊戲各佔2層，大家既遊戲範圍唔再局限係單單一個密室入面，而要係2個樓層當中唔同既關卡裡面接受不同任務，過完一關接一關，以收集積分去計算玩家成績。而且，傳統既逃出遊戲，你一解唔到一個謎團，你就會企左係度，被迫困獸鬥，但如果派就唔同，每個關卡都有時間限制，一個任務失敗左都唔會影響下一個任務。

首先介紹下3個遊戲故事背景

美國拉斯維加斯CES 2014 工作旅程 (上)

還記得上次到訪美國已經係十幾年前既家庭旅行，

十幾年後，託公司鴻福，又有機會踏足呢片大地

事源公司於美國拉斯維加斯LAS VEGAS既CONSUMER ELECTRONIC SHOW (CES) 參展，

 CES 為全球最大既電子消費品展覽，

集合最頂級品牌同埋最尖端科技。

個TRIP 都完左幾個星期，等我回顧下呢個行程先 : 

去美國就緊係要搞簽證啦，填佢個ONLINE FORM 都填左唔少時間，

咩都問，煩到爆，之後約左時間到領事館，又要排隊排個幾兩個鐘，

但見領使就問2句就搞掂，真係浪費時間

而坐飛機又唔見得好順利，

今次搭UNITED AIRLINE，經驗真係超級差，

張機票貴過國泰唔在講，個位又窄又逼，再加上冇獨立MONITOR，

長途機真係死罪，而且飛機中途降落左係聖荷西SAN JOSE 機場，原本應該係响三藩市轉機的，

CAPTAIN 話因為三藩市天氣問題，要暫時停留聖荷西三小時，

但到達三藩市時，天朗氣清WO，一粒雲都冇，但就搞到我MISS 左CONNECTION既機，

要滯留三藩市等機位，結果要係三藩市轉機洛杉磯LOS ANGELES，

再轉機到LAS VEGAS，前後遲左成12個鐘，頂

Fitbit Flex健康計步器手帶試用報告

Fitbit Flex健康計步手帶試用報告 

因為做完手術同工作繁多既關係，運動量大減，

體重由標準身形型急降至排骨身材，之前努力做gym增磅既成績完全白廢，

雖然宜家開始打返籃球，但做gym都係未敢住，為左更加了解自己既運動量，

重返標準身型既行列，我開始搵下有咩可以幫下手。 

搵搵下發現宜家有種叫電子計步器，可以記錄你每日既行走步數，

從而計算你行左既路程同消耗左既卡路里，

呢d計步器多數可以同時記錄用家既睡覺狀態，從而令大家更加了解自己既生活習慣。

 雖然呢類手帶香港未係好流行，我當時搵資料都係以外國網頁為主，

但搵親既其實香港都有代理，唔知點解係香港紅唔起。

黎緊應該愈黎愈多大廠會出電子計步器(好似LG將會推出)，

宜家主流既有呢幾個品牌及型號：Jawbone UP, Fitbit Flex, Nike Fuelband 及Withings Pulse。

 簡單講講各樣既好壞