呢個農曆新年真係忙死，放假之前日日放工執屋，放假就去拜年，
想搵日出街行下都冇時間，真陰公
琴日終於抽到D 時間，去左一個想去好耐既大型文化節目 - 西九大戲棚 2013
西九大戲棚 2013
西九大戲棚2013 絕對是今年春節假期一家大小歡度新歲的最佳節目! 今年「西九大戲棚」加推連串免費節目，包括多場青年粵劇團的演出，及香港舞蹈團的中國舞蹈表演，另外還有當代音樂演出，戲棚外加設新年市集，讓市民尋找城
市的記憶。同場將首次展出戲曲中心設計比賽的設計及模型，把萬眾期待的未來西九戲曲中心呈現在大家眼前，當然不少得星光雲集的多場經典粵劇表演。
市的記憶。同場將首次展出戲曲中心設計比賽的設計及模型，把萬眾期待的未來西九戲曲中心呈現在大家眼前，當然不少得星光雲集的多場經典粵劇表演。
日期： 2013年1月30日至 2月16日
地點： 西九文化區廣東道入口 (消防局側)
雖然個西九大戲棚已經完滿結束，不過都值得同大家分享下入面既節目同展覽
一入門口，就見到大大個西九大戲棚既竹棚，下面就係售票處，雖然有D 表演係免費，不過亦有D 表演節目係需要買票入場
細心D睇，西九大戲棚個棚左右都有個QR code, 方便大家即時了解更加多資訊
戲棚旁邊有個戲曲中心展覽館，展示及介紹未來西九戲曲中心既設計特色
以上係西九文化區戲曲中心未來發展既模型，個戲曲中心好似識發光咁，好新潮
係展覽中心入面，有西九大戲棚既導覽圖，戲曲中心介紹書同埋戲曲中心迷你戲棚模型供免費取閱
去果時湊巧有免費大戲(粵曲/粵劇)上演，緊係入去參觀下啦。入面個棚全部用竹棚搭建，足證明中國建築既藝術
雖然戲棚入面觀眾有老有幼，但氣氛依然十足，掌聲不斷，舞台邊重有中英文字幕 （老實講，唔睇字幕真係唔知唱緊咩）
戲棚四周都有唔同既特色懷舊檔口，重有好多燈籠高高掛
當局還舉辦左個素描比賽，有人用水彩，有人用木顏色，各有特色
特色野食有紹香園同恒香餅家，賣老婆餅呀，花生糖呀果d小食
家品有呢個陶瓷餐具
重有呢d塞左入個玻璃樽裹面既盆栽，店員話入面d植物死左識生返，所以入面個設計係唔會變，放十年八年一定無問題
民間藝術 - 撕紙，敏叔將張紙左撕撕，右撕撕，咁就變左個有圖案設計既藝術品，勁
呢檔賣既野真係少見，係燒臘秤，豬肉秤，雞鴨秤同算盤，宜家街市已經冇人用呢d野，用晒電子秤同計數機。
算盤好似學過點用，上面=5,下面=1？！完全還晒比小學老師，哈哈
迷你舞獅裝飾擺設
圖中呢位小姐賣懷舊甜食，糖蔥餅，蜜芽糖果d。重有樣我未聽過但女朋友話細細過好興既糖果 - 吹波 - 玩法係當老板娘比左支糖你後，可以盡情搓扭左你歡善既形狀，當然啦，除老板娘外，人人都係整得個圓型，哈哈
頭先提過係戲曲中心免費索取既戲棚紙模型完成圖，舉辦單位真有心思
p.s. 打緊篇blog既時候正進行NBA All Star Game 全明星賽既三分賽同入樽賽，不過真係一屆不及一屆，年年睇完都會有d懷念當年Vince Carter果年既入樽賽，更可惜係聽日要返工，睇唔到東西岸既大戰
最後，我終於開左個FACEBOOK PAGE，平時都會睇下我既朋友不妨LIKE 一下，
果邊既更新會快D 同密D KA，多多支持~
沒有留言:
張貼留言