呢個組合可以話係入門既層面完美(有限budget 前題下)，
騰龍標準鏡水準一流，450D畫質更不用懷疑，一般咁用係不成問題的，
但係我係一個兩袖清風既人，出街淨係帶3寶(銀包，電話，鎖匙)，唔鐘意帶袋出街，所以450D 呢個組合就好難做到隨身機既功能，
加上3 樣野加埋都有一定重量( 大約2KG) ，帶住佢出銜成日係有點辛苦的，旅行郊遊更增加辛勞感，
有見及此，早已想換入一部有單反質素而又輕便既相機，好讓我繼續享受攝影既樂趣，而又唔會增加我出街既負擔。
如果要乎合以上條件，係呢個MOMENT，基本上市面係得2個SYSTEM可以做到, 1係4/3，2係無反，
4/3 好似係講個感光器面積為約17MM X 13MM (一般DC多數少過一吋) 由於比例為4/3， 所以簡稱4/3，
無反既感光器同單反一樣為約22MM X 15MM，所以拍攝質素基本上係同單反一樣既
有出無反既品牌唔係多，但一定以SONY 為先驅，出左最耐，玩味最濃，FUNCTION 亦最多，所以應該別無他選，
雖然錢解決到既問題就唔係問題，但我最大既問題就係無錢，一部NEX - 5R 無反香港零售價為$6490 ，當然 D 大型連鎖店會送好多野比你，
例如後備電，記憶咭，相機袋等等，但識貨既朋友都知，除左果粒原廠後備電外，其餘既野係豬頭骨ONLY.....
由於係新機既關係，就算我出尋訪，間間店舖都係以建議零售價發售，所以我托日本親戚，於日本給我寄來了一部日本版既NEX - 5R，平香港成截
所以以下開箱文會以日本版為本，雖然日本版同香港版一定有些許差別，但相信落差應不大，先黎介紹下NEX-5R 既重點先:
● APS-C 尺寸 1610 萬畫素 CMOS Exmor 感光元件
● 感光度 ISO 100 至 25600● 1080 @ 60p高畫質錄影
廢話少講了，開箱吧
跟機除左機身同標準鏡(16-50MM)外，重有日文說明書，外置閃光燈，火牛，機繩及USB線各一條，重有一隻光碟，裡面有SOFTWARE 同埋各國語言既用戶手冊
由於電池係冇充電座的，所以叉電要插入機身，日本版既牛係2腳的，但OUTPUT 係100V - 240V，用轉插就可以，不用變壓器，但充電時間頗耐，第一次充了約3-4個小時先滿
先黎一張正面相，機身十分便攜，左面合照係POP JASON，右面係NEX -7 既扭蛋
講面積，就用部NOTE2 同佢比較，大家就知道佢有幾纖形了，比部NOTE 2 還要小，以後出街3寶會加到4寶了
標準鏡頭16-50MM F/3.5 - 5.6，濾光鏡40.5MM，希望遲D會有恆定光圈鏡啦，呢支比起舊果支18-55MM 輕型好多
機頂有FN制，可以行設定5個捷徑功能，上面重有一個轉盤，用黎較光圈
機身加面又有另一轉盤，可以用黎較快門，重有多2個自訂鍵，機身螢光幕是觸控式(壓感性，即係要用少少力先會SENSE到果重，IPHONE果種好似叫熱感)，而且支援觸控快門，超級方便
揀5R 既原因之一，係因為佢呢個3吋既觸控螢幕，係可以向上180度，向下45度咁反轉，方便自拍同高炒.....哈哈
佢重有個FUNCTION 可以SET，180度反MON之後3秒會自動開啟快門，唔洗怕反手自拍手指會唔聽洗....好細心既設計
閃光燈係外置的，安裝左之後係咁既樣，加左燈之後，個MON就唔可以180度反轉，但其實5R ISO去到成25600(個人認為可用範圍為ISO3200，再高雜訊開始明顯出現)，所以閃光燈在一般情況會好少用得著
買左返黎先知部機淨係等日文MANUAL，即時滴了汗，好在有中文用戶手冊，對住SET 晒D野就OK了
因為其他好多野都係有圖示，而且日文有漢字，唔係太難估
NEX -5R SUPPORT WIFI，重可以好似ANDROID咁DOWNLOAD D APPS 入機，咁更新就更加方便啦，但宜家STORE入面冇咩APPS 可提供下載，形同虛設
宜家可供下載既APPS 有 Picture Effect、Bracket Pro、Multi Frame NR (多圖降雜訊技術)、Photo Retouch(修圖) 以及 Smart Remote Control(遙控) 等
暫時最有用既APPS個人認為係Multi Frame NR同Smart Remote Control。
Multi Frame NR(US$4.99) - 方便用家係低光源既地方使用，相機會連拍3張相再整合，作用為減低雜訊Smart Remote Control(FREE) - 可以以IPHONE及ANDROID手機控制手機拍照或睇相，轉頭再介紹
想係相機用APPS的話，首先要係PSN登記(無錯，個ACCOUNT可以同你屋企既PLAYSTATION 3 SYNC)，對SONY FANS 十分方便，一個ACCOUNT搵掂晒
不過無論你部NEX - 5R係水貨定行貨都好，暫時香港ACCOUNT 係唔SUPPORT 下載APPS的，所以如果想下載，REGISTER 時就要用美國或日本登記，但要留意既係，你用咩國家登記，要有當地有效地址先可以，重要用當地信用咭先可以為PSN足值，切記切記!!!
但世事無絕路，當然有方法可以解決啦，想知既朋友可以EMAIL OR留言問我，因為話易唔易話難又唔難
本身我係NOTE 2用家，只要係PLAY STORE 下載PLAYMEMORIES MOBILE，之後同相機透過WIFI 配對連接就可以
上圖係透過手機瀏覽相機D 相
但係宜家個APPS 未係好同NOTE2 100% 對應，例如睇相唔可以大圖，同埋下載落手機時未能表示完成(即係明明下載晒，但手機狀態依然係下載中)
上圖示範行用手機進行遙控拍照，呢個十分方面派對，聚會時用，唔洗再先REMOTE(用REMOTE 睇唔到個MON)或者10秒延拍，因為成日會令到禁制果個唔入鏡(除非有好多位預左出黎)....哈哈,,,對我地呢D又出機又出力既人真係福音....
以下相片設定如下:
鏡頭補償 自動
對焦 自動
色彩 +1
銳利度 +1
直出JPEG
ISO去到3200，如果唔係放到100%聞相，絕對係出得街有餘
所謂日光之下無廢機，呢張ISO200既相冇難度
最後黎張大反差既相，最為失望，於大反差環境下，對焦完全失敗，呢張已經係影左10張入面最似樣果張，不過都BLUR 晒
個人認為，NEX-5R 係各方面既表現都十分出色，唯獨電量(試機30分鐘，影左10-20張相，去左20%電)及大反差環境表現有待改善，宜家$6490呢個價位抵唔抵玩就見人見志，不過如果回落到5千字頭既水平，絕對係必入之選。
第一次寫開箱文，希望唔係寫太差啦，往後既BLOG，都應該會以NEX - 5R 為主力，到時佢既表現先至見真章~~
最後，我終於開左個FACEBOOK PAGE，平時都會睇下我既朋友不妨LIKE 一下，
果邊既更新會快D 同密D KA，多多支持~
沒有留言:
張貼留言