Fitbit Flex健康計步器手帶試用報告

Fitbit Flex健康計步手帶試用報告 

因為做完手術同工作繁多既關係，運動量大減，

體重由標準身形型急降至排骨身材，之前努力做gym增磅既成績完全白廢，

雖然宜家開始打返籃球，但做gym都係未敢住，為左更加了解自己既運動量，

重返標準身型既行列，我開始搵下有咩可以幫下手。 

搵搵下發現宜家有種叫電子計步器，可以記錄你每日既行走步數，

從而計算你行左既路程同消耗左既卡路里，

呢d計步器多數可以同時記錄用家既睡覺狀態，從而令大家更加了解自己既生活習慣。

 雖然呢類手帶香港未係好流行，我當時搵資料都係以外國網頁為主，

但搵親既其實香港都有代理，唔知點解係香港紅唔起。

黎緊應該愈黎愈多大廠會出電子計步器(好似LG將會推出)，

宜家主流既有呢幾個品牌及型號：Jawbone UP, Fitbit Flex, Nike Fuelband 及Withings Pulse。

 簡單講講各樣既好壞 

Jawbone Up:外型最靚仔，當飾物帶出街襯衫都冇問題，智能電話app入面既介面比較colorful同detail，但用家反映好易壞，保用期內需要維修3-4次既個案多不聲數，而且防水程度只係足夠一般使用，即係報稱可以戴住沖涼，但官方唔建議濕水

Fitbit Flex:Fitbit.推出既計步或者保健系列比較多及全面，之前佢地既ONE系列已經有好多好評，而且佢地有出埋量體重既磅，連同計步器用就雙劍合壁,不過Flex既設計就唔突出，已經同UP一樣冇Display LED既，所有資料都要透過智能電話或者電腦讀取，但防水功力較好，帶住游水都冇問題 

Nike Fuelband: 幾隻入面價錢最貴，但有LED display顯示，可以show埋時間等資料，較方便，但佢地定位比較運動形，因為內建有埋GPS，可以計算你跑步既資料 

Withing Pulse: Pulse設計類似Fitbit one, 唔係手帶形，而係一個好似擦子膠size既計步器，用家要將佢掛係身上面或者袋係褲袋，雖然佢係唯一一個可以量度心跳既，但因為佢唔係手帶形式，所以要記錄睡眠時要另外配帶特製手帶，比較麻煩   

最後結果係買左Fitbit Flex既，因為手帶形式比較方便，而且防水呢個功能都幾重要，加上價錢係4隻入面第2平，用家評語又唔錯，所以就買左做自己既聖誕禮物   

開箱 盒入面唔多野，有Flex手帶2條(大，細size)，有USB專用叉電線，Quick User Guide   

帶上手個人認為外觀唔差，而且佢既設計係好似手錶咁，面粗底薄，

打字用mouse都唔會阻住，手帶物料好似用防敏感物料做，大部份人都適用   

就係咁帶住佢出街，返工，沖涼，訓覺，24小時都唔洗除，佢每次差滿電大概可以用5日，

雖則說佢防水，但戴住沖涼後手帶入面會有水氣，要一段時間先會乾，

   

手機app介面就係咁，可以計算用家每日步行步數，計算步行路程及消耗卡路里數量，

記錄用家睡眠狀況，重可以手動輸入每日飲水同用餐情況，

再加埋體重輸入，咁大家就更加了解自己既生活習慣啦  

官方標準每日步行步數為10000步，但我一般返工日子都係得5000步左右XP，

而睡眠我一般都會長期深層睡眠，應該係平時太攰吧

.

其實呢類手帶只能夠幫大家更加了解自己既生活習慣，

要改善健康，始終都是自動自覺，

自律地做適量既運動，注意飲食同早睡早起

想知道更多唔同既新資訊?! 咁就要LIKE 一下我個FACEBOOK PAGE喇，

果邊既更新會快D 同密D KA，多多支持~

捌拾後

Promote your Page too