捌拾後博客 - DY: 泰國曼谷- 華欣8日叉電之旅

為左平衝工作同生活之間既壓力，每年都會同女朋友出外走一走，叉叉電。
今年我地選擇左12月去泰國，主要原因有2個: 原因1 - 未去過, 原因2 - 聽聞D野好平，可以瘋狂購物同瘋狂吃喝!!

每次出發前都會做D資料搜集，大概有下面幾樣啦，希望幫到D有同樣問題既朋友:

1. 季節

12月至2月係一般泰常客認為去泰國最好既季節，一來天氣冇咁熱(日間一般都係26-28C 左右)，二來雨水都較少，好似我地8日既行程入面，只係係第一日落左個幾鐘頭大雨，其餘時間放晴，心情因此都會好D，我地為左同時避開旅遊旺季，所以選擇左12月頭出發。
以下係香港天文台關於曼谷氣候既資料:

2. 旅行社自遊行套票(package)定online package (e.g. priceline, zuji etc.)好?

搵邊度買機票同酒店係用左最多時間既一環，當然你有錢既可以是但搵一間旅行社買套票搞掂，不過你要有心理準備可能要比多人地20-30%左右，我寧願慳返D錢係果邊食左去好過。
食得咸魚抵得渴，要慳錢就咩都要搵下格價，大型小型旅行社，網上旅行社(priceline.com, zuji.zom, cxholidays.com, cathay pacific 既fanfares) 都比我搵晒，但都係比我地budget貴左D。經過左一輪地毯式搜索，最後發現自己去Hong Kong Airline同Agoda.com book 最平。一般旅行社當時3日2夜套票連稅大約每人$2800左右，而我地就大幾每人$2200左右(與同級3星酒店比較)，一人慳$600，兩個人就慳左成$1200!!

3. 兌泰幣
泰國用泰銖就廢話，不過係邊度兌先會高D先係重點，因為匯率變動的關係，本站提供之資料僅供參考 :P
一般係香港兌的話，大部分人都係介紹去百年找換店(http://bcel1985.blogspot.hk/)或者九龍地既泰式士多，兌率會係HKD$1 :THB3.7x-3.9之間，如果你係曼谷機場兌就3.7x-3.8x之間。但真正最高匯率既地方係曼谷既Super Rich(綠色果間)，HKD$1 :THB3.95左右，不過唱錢果時記住要帶passport or ID 作登記之用。

我建議大家係香港先兌HKD$300，用作買電話咭及車資用途，之後再到Super Rich兌旅程洗費。
綠色Super Rich 地點:BTS Chit Lom站落車，沿天橋行去Gayson百貨(順手涼下冷氣

)，係G/F- 出口走返出大街，對面應該係Centrel World，向水門方向(右面)不斷行(行去四面佛既相反方向)，行多一陣就會經過Big C，跟手就會係路邊見到好多小攤擋，走到一間銀行就見到李海泉既招牌，轉右就見到Super Rich(綠色果間)了。途中你會見到橙色Super Rich，呢間都係唱錢既，不過匯率差D。

4. 上網及電話通訊
大家一出機場應該會見到既櫃檯(藍色，24hrs服務的)，強烈建議大家係度買左張Tourist Happy SIM 先，價值THB299，呢個價錢包括7日無限3G/WIFI無限上網及THB100通話分鐘(local call 同international call 都得)，重可以wifi tethering(即係share wifi比其他電話或者平板電腦之類)用。只要係櫃檯比完錢，職員就會問你攞部手提電話幫手做埋設定，如果需要打IDD的話，可以問佢攞張簡單教學。

呢張咭除左係方便大家whatsapp/ facebook 同朋友保持聯絡及打返屋企報平安外，重可以google map 搵路同埋打返酒店永救(因為唔係所有的士司機識英文的)，十分有用。