係曼谷去華欣有好幾種方法:
1) 包車 - 包一架房車大約THB2000 - 3000一程，最岩4個人Share
2) 火車 - 曼谷到七岩 & 華欣的火車，收費約 40~50 銖。另外每逢週末、週日，提供來回華欣的套票，收費約 75 銖。可於曼谷火車站訂票
3) 飛機 - 最快但最貴，香港沒有直接航機往返華欣，旅客需要在曼谷轉乖其他交通工具前往，航程約需40分鐘，大約THB3000位包稅
4) 巴士 - 往華欣巴士由曼谷南部巴士站(Southern Bus Terminal)開出，前往華欣市中心只需約3小時，大約每半小時左右1班，車費THB150左右
5) 的士 - 一般車費THB2000左右，比包車平少少
6) VAN - 最合乎經濟效益嘅一種方式，車票THB180位，需時2.5小時左右
我哋最後選擇左搭VAN 去華欣，方法好簡單，只要坐BTS到 Victory Monument站到2號出口，附近有間 Century The Movie Plaza，搵到 就應該見到好多VAN 仔，VAN 仔嘅目的地有好多，記得講清楚你想去邊!! 重有，去華欣嘅車程係會經過七岩的，如果目的地係七岩的話記住開車前同司機講聲，以免佢飛站。
小TIPS: 如果大家會帶備大型行李上VAN的話，有機會收多一位錢，因為佢會摺埋一個位放行李。宜家曼谷大部分酒店都提供行李寄存服務，如果唔想拖住個行李周圍走，可以將行李暫存酒店。
Victory Monument站地圖
VAN 站旁的Century The Movie Plaza
VAN
其實架VAN空間真係唔大，筆者身高180CM，屈住坐2個幾鐘真的有點辛苦，好好彩呢架車冇停中途站，所以比預定時間早左半小時到達。
老實講，落車係邊真係唔太清楚，但只要搵到大街就可以搭的士去酒店settle down。由於好多華欣嘅地圖都有copyright，未能上轉方便大家參考，但大家可以去以下網址睇一睇:
搵到大街之後就有好多的士司機問係要唔要車，我地間酒店 - 華欣諾富特酒店 (Novotel Hua Hin Cha Am Beach Resort & Spa)位於七岩同華欣之間，司機開價THB500，還價THB300 就成交。不過我地引埋泰文地址佢都唔識路，最後要打個電話比酒店問路 (好在我出發之前問左酒店攞電話地址)
。經過15-20MIN就會到酒店，Novotel Resort 可以說是自成一角，四周荒蕪只有幾間餐廳及幾間新酒店，我只見有一間7-11正在開發中!!!!我地係華欣plan嘅行程好少，因為主要都係會留係酒店休息下，游下水，曬下大陽，酒店還有健身室及泰式按摩可提選擇。
泳池四周有大量椅子供大家日光浴
登登登登!!! 水上滑梯，訂之前見到加左唔少分
酒店提供託兒服務，周未更加有團體活動，深受外國人愛戴
酒店所有房間都可以望到個海....OMG
房間個VIEW，心廣神怡~~
酒店有shuttle bus 落華欣，車費THB200 一程，來回THB300。此外，酒店內有agent提供local tour 服務，好方便。可惜我地今次目標主要係hea，去左睇既景點只有4個: 愛與希望之宮，華欣小希臘Santorini Park，Premium Outlet同埋華欣夜市，自遊行都搞得掂，包架的士全日都係THB2000左右，任你去邊都得。
1) 愛與希望之宮 Mrigadayavan Palace (Palace of Love and Hope)愛與希望之宮由拉瑪六世1923年所修建，是為了希望他的愛妃能為他生個小王子。然而最終未能如願，在王妃生下一名小公主後，拉瑪六世便移民至瑞士定居。
拉瑪七世由他最小的侄子繼任，如今只留下這座宮殿成為永遠的懷念。這座以1080根柚木支撐而起的16棟木製高腳宮殿，由長廊連接在一起，從陸上延伸至海濱。
交通
從華欣前往沒有公共班車，包TUTU前往單程250泰株，來回450泰株，單程約30分鐘。
門票及收費
門票30泰株。
開放時間：8:30-16:30，週三不開放。
到上層參觀要另外收費，重有分時段開放，無記錯就1個至個半小時一段，中午先開始開放參觀。
注意事項
A) 入內參觀者凡穿著未及膝之短褲短裙或露出肩膀之衣服，都須依規定批上沙龍才能入內，沙龍可於正門附近一個涼亭租借，按金唔記得THB100定THB200，不過要有ID 證件或護照抵押，退還沙龍時按金會全數歸還~)
B) 為防止觀光客對柚木地板的損壞，在上樓前，每個人都需要脫鞋，服務人員會提供一個袋子讓大家裝鞋，行完之後需歸還
C) 上層嚴密拍照，只能夠偷偷地拍
租借沙龍既涼亭(左手面比樹包圍住果個)
愛與希望之宮
2) 華欣希臘小鎮 Santorini Park Cha AmSantorini Park Cha Am 是泰國新建的主題公園，以希臘的聖托里尼島的標誌藍白小屋為主題。
公園佔地約 10
公頃，共分為 5
個區域：遊樂、休憩、購物、表演及周末市場。公園的遊樂設施包括40米的摩天輪、意大利入口的雙層迴旋木馬、加拿大的 7D
互動遊戲和亞洲首個的 Wallholla
攀登結構遊戲，最適合一家大細齊齊玩。最特別是坐在氣球中隨水滾動，真過癮！而喜歡刺激的朋友，就絕不能錯過來自新西蘭的Gmax和GMax
Swing，無遮無掩的纜車將玩家「蕩來蕩去」，單看相片都腳震震！提提大家，每樣遊樂設施都是逐項收費！華欣希臘小鎮入面充滿
交通地址: Petchakasem Road, Amphoe Cha-Am, Phetchaburi, Thailand 76120
從華欣市區乘 Tak Tak
需時：約20分鐘
門票及收費
開放時間: 星期一至四: 10:00 - 21:00, 星期五至日: 10:00 - 22:00
收費: 星期一至五免費入園,假日及國定假日每人門票50銖
大家記住平日係免費入場，而且人流較場，建議大家平日黎，起碼少D 人會攝鏡
雖然我未去過希臘，但呢種藍白色既組合就好希臘既感覺
3) Premium Outlet
Premium Outlet佔地17,000平方米，提供500個泊車位及擁有200個品牌進註，當中不乏各地名牌。不論男裝，女裝及童裝，飾物，鞋襪以至運動用品，基本上都可以係度搵到，並且以3折起發售。官網稱，Premium Outlet 第二期經已開幕，以家居用品，家俬為主，但我地去果日就唔見有，唔知係第一期附近定遠少少。
去呢個outlet 既目的並不是購物，只是見佢裝修好有美國Outlet 既感覺，好想感受返十幾年前去美國旅行既回憶，所以專登過黎行個圈。果然不出我所料，入面既野並唔平，款式唔新，但真係好有外國feel，去完希臘再用10分鐘去刑美國既感覺真係爽歪歪
交通
地址: 888 Mooh 6, Khaoyai District, Cha, Petchaburi Province 76120
從希臘小鎮乘 Tak Tak
需時：約5-10分鐘
門票及收費
開放時間: 星期一至日: 10:00 - 22:00
收費: 免費入場
佢地宮網張相，見到就想去感受下外國既氣氛
有外國人至愛既漢堡包食
叫得做outlet，緊係咩都on sale 啦，不過唔吸引
4) 華欣夜市華欣聽聞有幾個夜市，我地去果個就係相傳最大果個，係華欣舊火車站附近。夜市就冇咩好講解比大家聽，因為都係賣下精品，賣下衫褲鞋襪，有地度野食咁，可惜我同女朋友都有傷口在身，未能品嘗便宜海鮮，但睇過餐牌D價錢牌，如果又蝦又蟹又魚，應該都唔會過HKD200位，十分抵食。華欣夜市簡單可以分為2部分，前半以精品乾貨為主，後半部分就以食為重點
交通 我地酒店有shuttle bus 到華欣鐘樓，華欣夜市就係鐘樓附近，十分方便，而係我地上落車既地方都有唔同酒店既shuttle bus停泊，所以估計大部分酒店都以華欣鐘樓為終點站。
夜市入口
好多外國朋友
食得既就只有芒果糯米飯
筆者至愛小裝設，見到呢D紀念品簡直發狂
最後一日，我地check-out完之後，就坐酒店shuttle bus 去華欣返曼谷既van 仔站。價錢同去程一樣，都係收我地3個位錢(因為我地有2位巨型行李
。大家買票時，記住同司機講要係Victory Monument 落車，因為有網友講過，佢地有可能係其他地方停車落客，所以記得一定要同司機講清楚。最後，我地係華欣返曼谷時遇上大塞車，由我地上車到落車總共用左5個小時!!!(我地去程用左2個半小時而已)超誇張!!!! 所以如果有朋友想係華欣直接去曼谷機場閃人既話，時間預鬆多少少，以免上唔到飛機~~休息幾日再打埋曼谷下篇先
P.S(Yahoo 個system 好有問題，一時又將我個blog 轉去韓國網頁，一時又將我D字體轉晒粗體，搞到我篇野最後果part 用晒粗體，好唔整齊)
最後，我終於開左個FACEBOOK PAGE，平時都會睇下我既朋友不妨LIKE 一下，
果邊既更新會快D 同密D KA，多多支持~
沒有留言:
張貼留言